ଭଦ୍ରକ, ୩୦ା୬ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଫକୀରମୋହନ ବିଶ୍ୱବିଦ୍ୟାଳୟର +୩ ସ୍ନାତକ ପରୀକ୍ଷା ଫଳ ପ୍ରକାଶିତ ହୋଇଛି । ସବୁ ବର୍ଷ ପରି ଏବର୍ଷ ମଧ୍ୟ ଭଦ୍ରକ ମହିଳା ମହାବିଦ୍ୟାଳୟର ଛାତ୍ରୀମାନ ଶତପ୍ରତିଶତ ସଫଳତା ପାଇଛନ୍ତି । ୯୮ ପ୍ରତିଶତ ଛାତ୍ରୀ ଡିଷ୍ଟିଙ୍ଗ୍ସନ ସହିତ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇ ଥିବାରୁ ବିଭିନ୍ନ ମହଲରେ ଆନନ୍ଦର ଲହରୀ ଖେଳିଯାଇଛି । ସମାଜଶାସ୍ତ୍ର ବିଭାଗର ସ୍ୱାଗତିକା ଗିରି ୧୫୩୧ ନମ୍ବର ଏବଂ ଉର୍ଦ୍ଦୁ ବିଭାଗର ନାସିଆ ଖାତୁନ ୧୪୭୧ ନମ୍ବର ରଖି ବିଶ୍ୱ ବିଦ୍ୟାଳୟର ଶ୍ରେଷ୍ଠ ସ୍ନାତକ ହେବାର ଗୌରବ ଅର୍ଜନ କରିଥିବାରୁ ମହାବିଦ୍ୟାଳୟର ଅଧ୍ୟକ୍ଷ, ଅଧ୍ୟାପକ, ଅଧ୍ୟାପିକା, କର୍ମଚାରୀମାନେ କୃତି ଛାତ୍ରୀ ଦ୍ୱୟଙ୍କୁ ଅଭିନନ୍ଦନ ଜଣାଇବା ସହିତ ସେମାନଙ୍କର ଉଜ୍ୱଳ ଭବିଷ୍ୟତ କାମନା କରିଛନ୍ତିି । ସମାଜଶାସ୍ତ୍ର ବିଭାଗର ମୁଖ୍ୟ ଡ. ଶୁଭଶ୍ରୀ ବେହେରା ଓ ଉର୍ଦ୍ଦୁ ବିଭାଗର ମୁଖ୍ୟ ଡ. ନସିମା ଆରା ନିଖତ ଓ ଅଧ୍ୟାପିକା ନସିମା ଖାତୁନ ଛାତ୍ରୀଙ୍କ ଶୁଭକାମନା କରିଥିବା ବେଳେ ସେମାନଙ୍କୁ ବିଭିନ୍ନ ମହଲରୁ ପ୍ରଶଂସା କରାଯାଇଛି ।
