କେନ୍ଦୁଝର, ୦୧/୧୧, (ଓଡ଼ିଆ ପୁଅ ପି ନାୟକ): ବିଦ୍ୟୁତ ନେଲା ନିରୀହ ଗାଈମାନଙ୍କ ଜୀବନ। ଆଜ୍ଞା ହଁ, ଏପରି ଏକ ଦୟନୀୟ ଘଟଣା ଆଜି ବାଂଶପାଳ ବ୍ଲକ ନୟାକୋଟ ପଞ୍ଚାୟତର ଭେଜଡ଼ିହି ଗ୍ରାମରେ ଏକ ଘଟିଛି। ଆଜି ସକାଳେ ଗାଁ ନିକଟରେ ଥିବା ଜଙ୍ଗଲକୁ ଗାଈ ଗୁଡିକ ଚରିବାକୁ ଯାଇଥିବା ବେଳେ ତଳେ ପଡିଥିବା ୧୧ କେଭି ତାର ସଂସ୍ପର୍ଶରେ ଆସି ୫ ଟି ବଳଦଙ୍କର ମୃତ୍ୟୁ ହୋଇଛି। କରେଣ୍ଟ୍ ଲାଗିବାରୁ କିଛି ଗୋରୁ ଉକ୍ତ ସ୍ଥାନରୁ ଡେଇଁ ପଳାଇ ଯାଇଥିବା ବେଳେ ଗାଇୟାଳ ପିଲାଟି ଅଳ୍ପକେ ବଞ୍ଚି ଯାଇଥିବା ଜଣାପଡ଼ିଛି। ଏହାକୁ ନେଇ କ୍ଷତି ପୁରଣ ଦାବି କରିଛନ୍ତି ଗୋରୁ ମାଲିକମାନେ। ଖବରପାଇ ବାଂଶପାଳ ତହସିଲଦାର ତଦନ୍ତ ପାଇଁ ନିର୍ଦ୍ଦେଶ ଦେଇଥିବା ସୂଚନା ମିଳିଛି।
