ଭଦ୍ରକ, ୨୨ା୫ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଣ୍ଡାରିପୋଖରୀ ଥାନା ଅନ୍ତର୍ଗତ ଷୋଳମପୁର ପଞ୍ଚାୟତର ପୁର୍ତ୍ତରାସ୍ତାର ଖପୁରିଆପଦା ଛକ ଶନି ମନ୍ଦିର ନିକଟରେ ଥିବା ଏକ ବିଦ୍ୟୁତ୍ ଖୁଣ୍ଟକୁ ଧକ୍କାଦେଇ ଟ୍ରାକ୍ଟର କ୍ଷତିଗ୍ରସ୍ତ ହୋଇଛି । ସଂପୃକ୍ତ ଟ୍ରାକ୍ଟରଟି ବାଲି ଉଠାଣ କରିବାକୁ ବୈତରଣୀ ନଦୀକୁ ଦ୍ରୁତବେଗରେ ଯାଉଥିବା ବେଳେ ରାସ୍ତା ବୁଲାଣି ଥିବାରୁ ଭାରସାମ୍ୟ ହରାଇ ରାସ୍ତା ପାଶ୍ୱର୍ରେ ଥିବା ବିଦ୍ୟୁତ୍ ଖୁଣ୍ଟକୁ ଶନିବାର ସକାଳ ପ୍ରାୟ ୯ଟା ସମୟରେ ପିଟିଥିଲା । ଫଳରେ ଟ୍ରାକ୍ଟରଡଲା ଓଲଟିପଡିଥିବା ବେଳେ ଚାଳକ ସୁରକ୍ଷିତ ଥିବା ଜଣାଯାଇଛି ।
