ଭଦ୍ରକ, ୨ା୯ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଧାମନଗର ବ୍ଲକ ଅନ୍ତର୍ଗତ କୋରକଦା ସ୍ଥିତ ସରକାରୀ ପ୍ରାଥମିକ ବିଦ୍ୟାଳୟ ପରିସରରେ ଚାରାରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟଅତିଥିଭାବେ ଅବସରପ୍ରାପ୍ତ ବ୍ଲକ ଶିକ୍ଷାଧିକାରୀ ଭୋଳାନାଥ ସାହୁ, ପ୍ରକୃତିବନ୍ଧୁ ପ୍ରଧାନଶିକ୍ଷକ ମନୋଜ ଜେନା, ଶିକ୍ଷକ ନେତା ତପନ କୁମାର ଦ୍ୱିବେଦୀ, ସମିତିସଭ୍ୟ ସୁବ୍ରତ କୁମାର ସାମଲ, ସମାଜସେବୀ ଦେବେନ୍ଦ୍ର ତ୍ରିପାଠୀ ପ୍ରମୁଖ ଉପସ୍ଥିତ ରହି ଏହି ଚାରାରୋପଣ କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ । ଭାରପ୍ରାପ୍ତ ପ୍ରଧାନ ଶିକ୍ଷକ ରମେଶ ବାରିକଙ୍କ ସଭାପତିତ୍ୱରେ ଅତିଥିମାନେ ଯୋଗଦେଇ ବୃକ୍ଷହିଁ ଜୀବନ ସମସ୍ତେ ଗୋଟିଏ ଗୋଟିଏ ଗଛଲଗାଇ ତା’ର ଯତ୍ନନେବାକୁ ଅତିଥିମାନେ ମତବ୍ୟକ୍ତ କରିଥିଲେ ।
