ଭଦ୍ରକ, ୮ା୮ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ଅନ୍ତର୍ଗତ ନିର୍ଗୁଣ୍ଡି ପଞ୍ଚାୟତ ରାଜେନ୍ଦ୍ରପୁର ଉଚ୍ଚ ପ୍ରାଥମିକ ବିଦ୍ୟାଳୟରୁ ଗତ ସୋମବାର ରାତ୍ରରେ ଚୋରି ହୋଇଥିବା ଅଭିଯୋଗ ହୋଇଛି । ମଙ୍ଗଳବାର ପ୍ରଧାନଶିକ୍ଷକ ପ୍ରଶାନ୍ତ କୁମାର ଜେନା ସକାଳ ୯.୩୦ମି. ସମୟରେ ବିଦ୍ୟାଳୟକୁ ଆସି ବିଦ୍ୟାଳୟ ଗୋଦାମ ଘର ଖୋଲାଯାଇଥିବା ଦେଖିଥିଲେ । ଗୋଦାମ ଘର କବାଟ ତାଲା ଭଙ୍ଗାଯାଇ କବାଟ ଖୋଲା ରହିଥିଲା । ଗଚ୍ଛିତ ନଥି ଅନୁଯାୟୀ ତନଖି ପରେ ଚୋରି ହୋଇଥିବା ସ୍ପଷ୍ଟ ହୋଇଥିଲା । ଚୋରି ସାମଗ୍ରୀ ମଧ୍ୟରେ ୪ କ୍ୱିଣ୍ଟାଲ ଓଜନର ୮ ବସ୍ତା ଚାଉଳ, ଇଣ୍ଡେନ ଗ୍ୟାସ ୨ଟି ସିଲିଣ୍ଡର ଓ ଗୋଟିଏ ଏକ ଘୋଡା କ୍ଷମତା ବିଶିଷ୍ଟ ପାଣିଉଠା ମୋଟର ଅନ୍ତର୍ଭୁକ୍ତ । ପ୍ରଧାନଶିକ୍ଷକଙ୍କ ପକ୍ଷରୁ ଏ ସମ୍ପର୍କରେ ଥାନାରେ ଚୋରି ଅଭିଯୋଗ ହୋଇଛି ।
