ଭଦ୍ରକ, ୩୦ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଜି ବିଜୁ ଜନତା ଦଳ ପକ୍ଷରୁ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ଦୀର୍ଘବର୍ଷର ସଂପର୍କ ତୁଟାଇ କଂଗ୍ରେସ ଓ ବିଜେପି ନେତା ଟିକି ମହାପାତ୍ର, ଗଣେଶ ମଳିକ ନେତୃତ୍ୱରେ ଆଜି ଶତାଧିକ କଂଗ୍ରେସ ଓ ବିଜେପି କର୍ମୀ ଭଦ୍ରକ ବିଧାୟକ ସଂଜୀବ ମଲ୍ଲିକଙ୍କ ଉପରେ ଆସ୍ଥା ପ୍ରକଟ କରି ବିଜୁ ଜନତା ଦଳରେ ସାମିଲ ହୋଇଛନ୍ତି। ଆଜି ଭଦ୍ରକ ବିଧାୟକ ସଂଜୀବ ମଲ୍ଲିକଙ୍କ ବାସଭବନରେ ବିଜୁ ଜନତା ଦଳର ସଭାପତି ଜଗନ୍ନାଥ ସ୍ୱାଇଁଙ୍କ ସଭାପତିତ୍ୱରେ ଏହି ମିଶ୍ରଣ ପର୍ବରେ ଗୋରାମାଟି ପଂଚାୟତର କଂଗ୍ରେସ ଓ ବିଜେପିର ବରିଷ୍ଠ ନେତା ରାଜକିଶୋର ଜେନା, ବାବୁଲାଲ ଜେନା, ସୁରେନ୍ଦ୍ର ବେହେରା, ପ୍ରତାପ ଜେନା, ଟୁକୁନା, ବିଜୟ କୁମାର ଭଳି ବହୁ ନେତା ଓ ଶତାଧିକ କଂଗ୍ରେସ ଓ ବିଜେପି କର୍ମୀ ଦଳ ପରିତ୍ୟାଗ କରି ବିଜେଡିରେ ସାମିଲ ହୋଇଛନ୍ତି।
