ହାଟଡିହି -୧୫ । ୮ : (ଓଡିଆପୁଅ / ବିକାଶ ବିଶ୍ୱାଳ) ହାଟଡିହି ବ୍ଲକ ଷଡଙ୍ଗ ଗ୍ରାମରେ ଗତକାଲି ସନ୍ଧ୍ୟାରେ ଫିଉଜ ବାନ୍ଧୁ ଥିବାବେଳେ ବିଦ୍ୟୁତ ସଂଷ୍ପର୍ଶରେ ଆସି ଜଣେ ଯୁବକ ଗୁରୁତର ଆହତ ହୋଇଥିବା ଜଣାଯାଇଛି । ଖବରରୁ ପ୍ରକାଶ ଯେ ଗ୍ରାମର ସବଷ୍ଟେସନ ନିକଟରୁ ଫିଉଜ ପଳାଇଥିବାରୁ ଗ୍ରାମର ସୋମନାଥ ବାରିକ(୩୦) ସେଠାକୁ ଯାଇ ଫିଉଜ ବାନ୍ଧୁଥିବାବେଳେ ଅସାବଧାନତା ବସତଃ ବିଦ୍ୟୁତ ତାର ସଂଷ୍ପର୍ଶରେ ଆସିଯାଇଥିଲେ । କରେଣ୍ଟ ଆଘାତରେ ତାଙ୍କର ଗୋଟିଏ ହାତ ସମ୍ପୁର୍ଣ୍ଣ ପୋଡି ଯାଇଥିବାବେଳେ ପ୍ରଥମେ ତାଙ୍କୁ ଶାଳଣିଆଁ ଓ ସେଠାରୁ ଭଦ୍ରକ ଓ ପରେ କଟକ ବଡଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ତାଙ୍କ ଅବସ୍ଥା ଗୁରୁତର ଥିବା ପରିବାର ସୁତ୍ରରୁ ଜଣାପଡିଛି ।
