ନୂଆଦିଲ୍ଲୀ ୨୫-୩ (ଓଡ଼ିଆ ପୁଅ) : ଜାତୀୟ ରାଜଧାନୀରୁ ଆସିଛି ଏହି ଏକ ଭୟାନକ ଘଟଣା। ଜଣେ ୮୫ ବର୍ଷ ବୟସ୍କ ବ୍ୟକ୍ତିଙ୍କୁ ୧୭ ବର୍ଷର ବାଳକ କୁକୁର ଭୁକିବା କାରଣରୁ ପିଟିପିଟି ହତ୍ୟା କରିଥିବା ଅଭିଯୋଗ ହୋଇଛି। ସୋମବାର ଦିନ ଦିଲ୍ଲୀର ନଜଫଗଡ ଅଞ୍ଚଳର ଘସିପୁରା ନାଙ୍ଗଲି ଡେଇରିରେ ଏହି ଘଟଣା ଘଟିଛି ବୋଲି ପୋଲିସ ଗୁରୁବାର କହିଛି।
ମାର୍ଚ୍ଚ ୧୮ ରେ ଜଣେ ମହିଳା ପୋଲିସକୁ ଫୋନ କରି ତାଙ୍କ ପିତାଙ୍କୁ ମାଡ ମାରିଥିବା କଥା ସାମ୍ନାକୁ ଆସିଥିଲା। ପ୍ରକାଶ ଥାଉକି, ପୋଲିସ ଘଟଣାସ୍ଥଳରେ ପହଁଚିବା ପରେ ମହିଳା ଜଣକ ଅଧିକାରୀମାନଙ୍କୁ କହିଥିଲେ ଯେ ଆଉ କୌଣସି ଝଗଡା ନାହିଁ ଏବଂ ପୋଲିସକୁ ପେରେଇ ଦିଆଯାଇଥିଲା। କିନ୍ତୁ ପୋଲିସର ଅଧିକ ଅନୁସନ୍ଧାନରୁ ଜଣାପଡିଛି ଯେ, ଜଣେ ନାବାଳକ ପଡ଼ୋଶୀ ପୀଡିତଙ୍କ ଘରେ ପଶି ୮୫ ବର୍ଷର ବୃଦ୍ଧଙ୍କୁ ଲୁହା ରଡରେ ମାରିଥିଲେ ଯାହାଫଳରେ ତାଙ୍କର ଏବେ ମୃତ୍ୟୁ ଘଟିଛି। ପୋଲିସର ସୂଚନାନୁସାରେ, ପୀଡିତଙ୍କ କୁକୁରଟି ବାଳକକୁ ଭୁକିବାରେ ଲାଗିଲା ଏବଂ ଏହା ବାଳକକୁ କ୍ରୋଧିତ କରିଥିଲା।
କୁକୁରଟିକୁ ମାରିବା ପାଇଁ ଅଭିଯୁକ୍ତ ପୀଡ଼ିତଙ୍କ ଘରେ ପଶିଥିବା ବେଳେ ଅଶୋକ କୁମାର କୁକୁରକୁ ରକ୍ଷା କରିବାକୁ ଚେଷ୍ଟା କରିଥିଲେ। ଏହି କାରଣରୁ ନାବାଳକ କୁମାରଙ୍କୁ ମଧ୍ୟ ମାରିଥିଲା। ଅଭିଯୁକ୍ତକୁ ଅଟକ ରଖାଯାଇଥିଲା କିନ୍ତୁ ପରେ ଜୁଭେନାଇଲ ଜଷ୍ଟିସ ବୋର୍ଡ (ଜେଜେବି) ଦ୍ୱାରା ମୁକ୍ତ କରାଯାଇଥିଲା ବୋଲି ପୋଲିସ କହିଛି।
ଏହି ଆକ୍ରମଣରେ କୁମାର ଗୁରୁତର ଆହତ ହୋଇଥିଲେ ଏବଂ ମାର୍ଚ୍ଚ ୨୦ ରେ ରାଓ ତୁଲା ରାମ ମେମୋରିଆଲ ହସ୍ପିଟାଲରେ ଆହତ ହୋଇ ଭର୍ତ୍ତି ହୋଇଥିଲେ।
ପୀଡିତଙ୍କ ପତ୍ନୀ ମୀନାଙ୍କ ବିବୃତ୍ତି ଆଧାରରେ ନାବାଳିକାଙ୍କ ବିରୋଧରେ ଆଇପିସିର ଧାରା ୩୦୨ ଅନୁଯାୟୀ ମାମଲା ରୁଜୁ କରାଯାଇଛି।
ମାର୍ଚ୍ଚ ୨୩ ରେ, ବାଳକକୁ ପୁନଃ ପୋଲିସ ଜୁଭେନାଇଲ୍ ଜଷ୍ଟିସ୍ ବୋର୍ଡ ସମ୍ମୁଖରେ ଏକ ଆବେଦନ କରିଥିଲା ଏବଂ ଏହା ବୋର୍ଡ ସମ୍ମୁଖରେ ବିଚାରାଧୀନ ଅଛି।
