ପୁରୀ ୧୧-୮ (ଓଡ଼ିଆ ପୁଅ/ବିଜୟ ପଟ୍ଟନାୟକ) ସମୁଦ୍ରରେ ଲଘୁଚାପ ସୃଷ୍ଟି ହୋଇଥିବା ଯୋଗୁଁ ସମୁଦ୍ର ଜୁଆରିଆ ହେବା ସହ ଉଚ୍ଚାଳହରୀ ମାନ ସମୁଦ୍ରରେ ଆସୁଥିବା ଦେଖାଯାଉଛି।
କୋଭିଡ କଟକଣା ନଥିବା ଯୋଗୁଁ ସହରରେ ପର୍ଯ୍ୟଟକମାନଙ୍କର ଭିଡ଼ ଲାଗିରହିଛି। ଆଜି ଏ ସମୁଦ୍ରରେ ପ୍ରବଳ ଜୁଆର ଉଠୁଥିବାବେଳେ ଶହଶହ ସଂଖ୍ୟାରେ ପୁରୁଷ ମହିଳା ଓ ପିଲାମାନେ ସମୁଦ୍ରରେ ନିର୍ଭୟରସହ ସ୍ନାନ କରୁଥିବା ଦେଖାଯାଇଥିଲା। ଅତୀତରେ ଏହି ବେପରୁଆ ସ୍ନାନ ଓ ଲହଡି ମାଡ଼ରେ ଅନେକଙ୍କ ଜୀବନହାନୀ ହେବାସହ ଆହତ ହୋଇଥିବା ଘଟଣା ନଜିର ରହିଛି। ଜିଲ୍ଲା ପ୍ରଶାସନ ପକ୍ଷରୁ ଗଭୀର ସମୁଦ୍ର ଭିତରକୁ ନଯିବାପାଇଁ କୌଣସି କଟକଣା ପର୍ଯ୍ୟଟକମାନଙ୍କ ପାଇଁ ସୂଚନା ଦିଆଯାଉନଥିବା ଅଭିଯୋଗ ହେଉଛି। ଆଜି ତୁହାକୁତୁହା ବର୍ଷା ଲାଗିରହିଥିବାବେଳେ ପର୍ଯ୍ୟଟକ ମାନଙ୍କର ଭିଡ଼ ସମୁଦ୍ର ବେଳାଭୂମିରେ ଲାଗିରହିଥିଲା।
