ଭଦ୍ରକ, ୧୩ା୭ (ଓଡ଼ିଆ ପୁଅ / ସ୍ନିଗ୍ଧା ରାୟ) – ପୋଖରୀରେ ପଡି ୪୬ ବର୍ଷୀୟ ଯୁବକଙ୍କର ମୃତ୍ୟୁ ଘଟିଛି । ଏହିପରି ଏକ ଦୁଃଖଦ ଘଟଣା ଘଟିଯାଇଛି ବାସୁଦେବପୁର ବ୍ଲକ୍ ଶାଶୁ-ଭୁଆଶୁଣି ପଂଚାୟତରେ । ସୂଚନା ଅନୁସାରେ ଏହି ପଂଚାୟତର ଚୂଡାମଣି ଆଡିଆ ଗ୍ରାମର ରାମକୃଷ୍ଣ ଦାସଙ୍କ ପୁଅ ଶଶିକାନ୍ତ ଦାସ ପ୍ରତ୍ୟେକ ଦିନ ଭଳି ପୋଖରୀକୁ ଗାଧୋଇବାକୁ ଯାଇଥିଲା । ଗାଧୋଇବା ସମୟରେ କୌଣସି କାରଣରୁ ତାଙ୍କ ଗୋଡ ଖସିଯିବାରୁ ସେ ପୋଖରୀରେ ବୁଡି ଯାଇଥିଲେ । ଶଶିକାନ୍ତଙ୍କ ଫେରିବା ବିଳମ୍ବ ହେବାରୁ ପରିବାର ଲୋକ ତାଙ୍କୁ ବହୁତ ଖୋଜାଖୋଜି କରି ପୋଖରୀରୁ ସଂଜ୍ଞାହୀନ ଅବସ୍ଥାରେ ପାଇଥିଲେ । ପରିବାର ପକ୍ଷରୁ ତାଙ୍କୁ ତୁରନ୍ତ ବାସୁଦେବପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଯାଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
