ଭଦ୍ରକ, ୩୧ା୮ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଜିଲ୍ଲାରୁ ଆଉ ନୂତନ ଭାବେ ୪୭ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଯାହା ଫଳରେ ମୋଟ ଆକ୍ରାନ୍ତଙ୍କ ସଂଖ୍ୟା ଏବେ ୨୬୩୩ ହୋଇଛି । ସେଥି ମଧ୍ୟରୁ ୧୯୦୪ଜଣ ଆକ୍ରାନ୍ତ ସୁସ୍ଥ ହୋଇସାରିଛନ୍ତି । ଯେତେବେଳେ କି ୭୨୧ଜଣ ଆକ୍ରାନ୍ତ ଏବେ ମଧ୍ୟ ଚିକିତ୍ସାଧୀନ ଅଛନ୍ତି । ଏହି ନୂତନ ୪୭ ଚିହ୍ନଟଙ୍କ ମଧ୍ୟରେ ଭଣ୍ଡାରୀପୋଖରୀ ବ୍ଲକର ବାଲିପୋଖରୀ ପଞ୍ଚାୟତରୁ ୩ଜଣ, ରାମଚନ୍ଦ୍ରପୁର ପଞ୍ଚାୟତରୁ ୧୧ଜଣ, ସରସଦା ପଞ୍ଚାୟତରୁ ୨ଜଣ, ବନ୍ଦାଳୋ ପଞ୍ଚାୟତରୁ ଜଣେ, ବୟାଁବନାପୁର ପଞ୍ଚାୟତରୁ ୫, ଦକ୍ଷିଣବାଡ ପଞ୍ଚାୟତରୁ ୩, ପାଟୁଳିରୁ ୨ଜଣ, ରହଣିଆ ପଞ୍ଚାୟତରୁ ଜଣେ, ଷୋଳମପୁର ପଞ୍ଚାୟତରୁ ଜଣେ, ଚାନ୍ଦବାଲି ବ୍ଳକର ଆରଡି ପଞ୍ଚାୟତରୁ ୫ଜଣ, ମତୋ ପଞ୍ଚାୟତରୁ ଜଣେ, ଭଦ୍ରକ ବ୍ଲକର ଅଣ୍ଢେଇପଲ୍ଲୀ ପଞ୍ଚାୟତରୁ ଜଣେ, ଭଦ୍ରକ ପୌରପାଳିକା ୧୩ ନଂ ୱାର୍ଡରୁ ୨ଜଣ, ୱାର୍ଡ ନଂ ୬ରୁ ୨ଜଣ, ୱାର୍ଡ ନଂ ୯ରୁ ଜଣେ, ବନ୍ତ ବ୍ଲକ ରାମଚନ୍ଦ୍ରପୁର ପଞ୍ଚାୟତରୁ ଜଣେ, ଧାମନଗର ବ୍ଲକ ବୟାଙ୍ଗଡିହି ପଞ୍ଚାୟତରୁ ଜଣେ, ସାହାଡା ପଞ୍ଚାୟତରୁ ଜଣେ, ତିହିଡି ବ୍ଲକର ଭାଟପଡା ପଞ୍ଚାୟତରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି ।
