କୋରାପୁଟ୨୧-୧୦(ଓଡିଆ ପୁଅ /ରଂଜନ ଦାସ) ପାଡୁଆ ପୋଲିସ ଦ୍ୱାରା ଖଡାପୁଟ ଜଙ୍ଗଲରୁ ବିପୁଳ ପରିମାଣର ଗଞେଇ ଜବତ କରାଯାଇଥିବା ନନ୍ଦପୁର ଏସଡିପିଓ ସଂଜୟ କୁମାର ମହାପାତ୍ର ସୂଚନା ଦେଇଛନ୍ତି । ଖଡାପୁଟ ଜଙ୍ଗଲରେ ବିପୁଳ ପରିମାଣର ଗଞେଇ ରଖାଯାଇଥିବା ସୂଚନା ବିଶ୍ୱସ୍ତ ସୂତ୍ରରୁ ମିଳିବା ପରେ ନନ୍ଦପୁର ଏସଡିପିଓଙ୍କ ନିର୍ଦ୍ଦେଶରେ ପାଡୁଆ ଥାନା ଅଧିକାରୀ ସରୋଜ କୁମାର ମଲ୍ଲିକଙ୍କ ନେତୃତ୍ୱରେ ଏକ ଟିମ ସେହି ଅଂଚଳରେ ଚଢାଉ କରିଥିଲା । ଚଢାଉ ସମୟରେ ଜରି ଅଖା ଗୁଡିକରେ ଥିବା ଗଞେଇ ଜବତ କରି ଥାନାକୁ ଅଣାଯିବା ପରେ ଓଜନ କରା ଯାଇଥିଲା । ସମୁଦାୟ ୮୧୬ କିଲୋ ୫୦ ଗ୍ରାମ ଗଞେଇ ଥିବା ଜଣାପଡିଛି । ଜବତ ଗଞେଇ ଜଲାପୁଟ ଅଂଚଳରୁ ଦିଲ୍ଲିକୁ ପଠାଯିବାର ଯୋଜନା ଥିବା ପୋଲିସ ସନ୍ଦେହ କରୁଥିବାବେଳେ ଘଟଣାରେ ଜଲାପୁଟ ଅଂଚଳର କେତେକ ଲୋକ ସମ୍ପୃକ୍ତ ଥିବା ମଧ୍ୟ ପୋଲିସ ପ୍ରାଥମିକ ତଦନ୍ତରୁ ଜାଣି ପାରିଛି । ଜବତ ଗଞେଇ ର ଆନୁମାନିକ ମୂଲ୍ୟ ୮୧ ଲକ୍ଷ ୬୦ ହଜାର ଟଙ୍କା ହେବ ବୋଲି ଜଣାପଡିଛି ।
