ନୟାଗଡ଼, ୨୧ା୧୧: ଓଡ଼ିଶା ଭଲିବଲ୍ ଆସୋସିଏସନ ଦ୍ୱାରା ପାରାଦ୍ୱୀପଠାରେ ୨୩ରୁ ୨୬ ଯାଏଁ ଅନୁଷ୍ଠିତ ହେବାକୁ ଥିବା ୬୮ତମ ସିନିଅର ଆନ୍ତଃଜିଲା ଭଲିବଲ୍ ପୁରୁଷ ମ୍ୟାଚରେ ଯୋଗ ଦେବାପାଇଁ ନୟାଗଡ଼ ଜିଲା ଆଥ୍ଲେଟିକ ଆସୋସିଏସନ ଦ୍ୱାରା ସ୍ଥାନୀୟ କେସି କ୍ଳବ ଗ୍ରାଉଣ୍ଡରେ ପରିଚାଳିତ ଜିଲା ଭଲିବଲ ଖେଳାଳି ଚୟନ ପ୍ରକ୍ରିୟା ଶେଷ ହୋଇଛି। ଅନ୍ତିମ ଚୟନରେ ସର୍ବମୋଟ ୧୨ଜଣ ଖେଳାଳୀ ମନୋନୀତ ହୋଇଥିବା ଜିଲା ଆଥଲେଟିକ ଆସୋସିଏସନର ସଂପାଦକ ଅଶେଷ କୁମାର ଦାଶ ଜଣାଇଥିବାବେଳେ ଉପସଭାପତି ଗନୁ ଦାସ, ଯୁଗ୍ମ ସଂପାଦକ ରାମକୃଷ୍ଣ ରଥ, ବିନାୟକ ପ୍ରସାଦ ରାଓ, ନିଶିକାନ୍ତ ମହାନ୍ତି ସମେତ ଖେଳ ପ୍ରଶିକ୍ଷକ କ୍ରୀଡ଼ାବିତ୍ ଉମାକାନ୍ତ ମିଶ୍ର ପ୍ରମୁଖ କାର୍ଯ୍ୟକ୍ରମକୁ ପରିଚାଳନା କରିଥିଲେ। ଏହି ମନୋନୀତ ଖେଳାଳୀମାନେ ହେଲେ ବିଷ୍ଣୁପ୍ରସାଦ ମଙ୍ଗରାଜ, ଅଜୟ କୁମାର ଜେନା, ଆଶୁତୋଷ ରଥ, କାହ୍ନୁ ଚରଣ ଜେନା, ପ୍ରିୟବ୍ରତ ପ୍ରଧାନ, ସୁଶାନ୍ତ କୁମାର ନାୟକ, ଗଗନ ନାୟକ, ମହେନ୍ଦ୍ର ବିଶ୍ୱାଳ, ଅଲୋକ କୁମାର ମଲ୍ଲିକ, ଚିନ୍ମୟ ବଳିୟାରସିଂ, ଚିତରଂଜନ ପ୍ରଧାନ ଓ ସତ୍ୟପ୍ରିୟ ଦାସ।
