ନୟାଗଡ଼, ୨୦ା୭ : (ଓଡ଼ିଆ ପୁଅ/ସୁରେନ୍ଦ୍ର ନାଥ ପ୍ରଧାନ) ନୟାଗଡ଼ ପୁଲିସ ପକ୍ଷରୁ ନିଜର କାର୍ଯ୍ୟ ଦକ୍ଷତା ଓ ଶ୍ରେଷ୍ଠତ୍ୱ ପ୍ରତିପାଦନ ପାଇଁ ଜିଲାର ୫ଜଣ ପୁଲିସଙ୍କୁ ପୁରଷ୍କୃତ କରାଯାଇଛି। ଗଣିଆ ଥାନାର ଏସ୍ ଆଇ ଦୀପକ କୁମାର ଖଣ୍ଡାୟତଙ୍କୁ ଚଳିତ ବର୍ଷର ଶ୍ରେଷ୍ଠ ଏସଆଇ ଭାବେ ପୁରଷ୍କୃତ କରାଯାଇଥିବାବେଳେ ହରିହର ସାମନ୍ତରାୟଙ୍କୁ ଶ୍ରେଷ୍ଠ ଏଏସଆଇ, ବିଶ୍ୱମୋହନ ମହାନ୍ତିଙ୍କୁ ଶ୍ରେଷ୍ଠ ହାବିଲଦାର, ତୁଷାରକାନ୍ତ ନାୟକଙ୍କୁ ଶ୍ରେଷ୍ଠ କନେଷ୍ଠବଳ, ଅଶୋକ କୁମାର ଦୋରାଙ୍କୁ ଶ୍ରେଷ୍ଠ ଟ୍ରାଫିକ କନେଷ୍ଟବଳ, ଭାଷ୍କର ଚନ୍ଦ୍ର ସାହୁଙ୍କୁ ଶ୍ରେଷ୍ଠ ଏପିଆଇ ଭାବେ ପୁରଷ୍କୃତ କରାଯାଇଛି। ନୟାଗଡ଼ ଜିଲା ଆରକ୍ଷୀ ଅଧୀକ୍ଷକ ପ୍ରତ୍ୟୁଷ ଦିବାକର ଏହି ପୁରଷ୍କାର ଜିଲା ପୁଲିସ କାର୍ଯ୍ୟାଳୟ ଠାରେ ପ୍ରଦାନ କରିଛନ୍ତି। ଏହି ପୁରଷ୍କାର ପ୍ରତିବର୍ଷ ଦକ୍ଷତା ଓ ଶ୍ରେଷ୍ଠତା ପାଇଁ ଅପ୍ରେଲ ମାସ ପହିଲାରେ ପ୍ରଦାନ କରାଯାଉଥିବାବେଳେ କରୋନା ସକାଶେ ଏହି ପୁରଷ୍କାର ଦିଆ ଦିଆଯାଇ ପାରିନଥିଲା। ଯାହାକି ଏହି ପୁରଷ୍କାର ଆଜି ପ୍ରଦାନ କରାଯାଇଥିଲା।
