ଭଦ୍ରକ, ୨ା୫ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭାରତୀୟ ଟ୍ରେଡ୍ ୟୁନିୟନକେନ୍ଦ୍ର (ସିଆଇଟିୟୁ) କୋଭିଡ କଟକଣା ପାଳନ ସହ ଧାମରା ବନ୍ଦର ଗେଟ ଆଗରେ ଆର୍ନ୍ତଜାତିକ ଶ୍ରମିକ ଦିବସ ପାଳିତ ହୋଇଯାଇଛି । ଆର୍ନ୍ତଜାତିକ ଶ୍ରମିକ ଦିବସ ଅବସରରେ ଧାମରା ବନ୍ଦର କର୍ମଚାରୀ ସଂଘ ପକ୍ଷରୁ ଆୟୋଜିତ ପତାକା ଉତ୍ତୋଳନ କାର୍ଯ୍ୟକ୍ରମରେ ସିଆଇଟିୟୁର ବରିଷ୍ଠ ନେତା କାର୍ତ୍ତିକ ଖିଲାର ପତାକା ଉତ୍ତୋଳନ କରିଥିବା ବେଳେ ସିପିଆଇଏମ ଭଦ୍ରକ ଜିଲା କମିଟି ସଭ୍ୟ ବିକାଶ ନାଥ.ମଳୟ ଭୋଇ,ଧାମରା ବନ୍ଦର କର୍ମଚାରୀ ସଂଘର ସଂପାଦକ ସୁବ୍ରତ ସାମଲ,ସିଆଇଟିୟୁର ଯୁବନେତା ସୁଶାନ୍ତ ଦଳେଇ, ଦୀପକ ବେହେରା,ବିଷ୍ଣୁପଦ ଦିନ୍ଦା,ସଞ୍ଜୀବ ପାତ୍ର, ବରିଷ୍ଠ ନେତା କାଳନ୍ଦୀ ଜ୍ୟୋତି,ଶଙ୍କର୍ଷଣ ବିଶ୍ୱାଳ ,ତାରାକାନ୍ତ ସେଠୀ ପ୍ରମୁଖ ଯୋଗ ଦେଇ ଆର୍ନ୍ତଜାତିକ ଶ୍ରମିକ ଦିବସ ଉପରେ ବକ୍ତବ୍ୟ ରଖିଥିଲେ । ଶେଷରେ ବରିଷ୍ଠ ନେତା ତାରାକାନ୍ତ ସେଠୀ ଧନ୍ୟବାଦ ଅର୍ପଣ କରିଥିଲେ ।
