ଭଦ୍ରକ, ୧୪ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଧାମନଗର ବ୍ଲକ ଅନ୍ତର୍ଗତ କରଦା ପଂଚାୟତର ସୁଜାଣସିଂହପୁର ଗ୍ରାମରେ ଥିବା ଡ଼ଃ. ଏପିଜେ ଅବଦୁଲକାଲାମ ଏଜୁକେସନ ଟ୍ରଷ୍ଟବୋଡ଼ର ପଂଚମ ବାର୍ଷିକ ଉତ୍ସବ ଓ ପବିତ୍ର ଶିଶୁ ଦିବସରେ ବିଦ୍ୟାଳୟ ସ୍ତରୀୟ ଛାତ୍ର ଛାତ୍ରୀଙ୍କ ମଧ୍ୟ ବକ୍ତୃତା ଓ ନୃତ୍ୟ ପ୍ରତିଯୋଗୀତା ଅନୁଷ୍ଠିତ ହୋଇଯାଇଛି । ସନ୍ଧ୍ୟାରେ ଆୟୋଜିତ ପୁରସ୍କାର ବିତରଣ ଉତ୍ସବରେ ଟ୍ରଷ୍ଟବୋଡ଼ର ସଭାପତି ଯିତେନ୍ଦ୍ର ତରାଇଙ୍କ ସଭାପତିତ୍ୱରେ ମୁଖ୍ୟଅତିଥିଭାବେ ସମାଜସେବୀ ସଂଜୟ କୁମାର ମିଶ୍ର, ମୁଖ୍ୟବକ୍ତା ଧାମନଗର ପ୍ରେସ୍କ୍ଲବର ସାଧାରଣ ସମ୍ପାଦକ ପ୍ରଦୀପ କୁମାର ମହାପାତ୍ର, ଶିକ୍ଷାବିତ୍ ମାଧବାନନ୍ଦ ସାହୁ, ବସନ୍ତ କୁମାର ପୃଷ୍ଟି, ବିଶ୍ୱନାଥ ଦାସ, ଓ ଅଂଜନ କୁମାର ସାହୁ ପ୍ରମୁଖ ଯୋଗଦେଇ ଗ୍ରାମାଚଂଳରେ ବିଭିନ୍ନ ଲୁକାଇତ ପ୍ରତିଭା ରହିଥିବାବେଳେ ସେମାନଙ୍କ ଉଚ୍ଚିତ୍ ସୁଯୋଗ ମିଳୁନଥିବାରୁ ତାଙ୍କ ପ୍ରତିଭାର ବିକାଶ ହୋଇପାରୁନାହିଁ । ତେବେ ଆଜିର ଅନୁଷ୍ଠାନ ଯେପରି ଭାବେ ବଣମଲ୍ଳୀର ଫୁଲକୁ ସୁଗନ୍ଧର ପରିଚୟ ଦେଇଛନ୍ତି ତାହା ଏକ ସ୍ୱାଗତ ଯୋଗ୍ୟ ପଦକ୍ଷେପ ବୋଲି ତାଙ୍କ ବକ୍ତବ୍ୟରେ କହିଛନ୍ତି । ଏହି ଅବସରରେ ଅନୁଷ୍ଠାନର ସଭ୍ୟ ଅରୂପ କୁମାର ନନ୍ଦ ପ୍ରାରମ୍ଭିକ ସୂଚନା ପ୍ରଦାନ କରିଥିବାବେଳେ ସଂଗୀତ ଓ ନୃତ୍ୟ ପ୍ରତିଯୋଗୀତାର ବିଚାରକ ଭାବେ ସୋମନାଥ ଭୁୟାଁ, ପୁର୍ଣ୍ଣଚନ୍ଦ୍ର ମିଶ୍ର, ଅଂଜନ କୁମାର ସାହୁ କାର୍ଯ୍ୟକ୍ରମକୁ ସଂଚାଳନା କରିଥିଲେ । ଏହି କାର୍ଯ୍ୟକ୍ରମକୁ ଜ୍ଞାନେନ୍ଦ୍ର ପଣ୍ଡା, ନିର୍ମଳ ସାହୁ, ସୌମେନ୍ଦ୍ର ସାହୁ, କିଶୋର ପୃଷ୍ଟି, ଅରୁଣ ପୃଷ୍ଟି, ରାମଚନ୍ଦ୍ର ବେହେରା, ତ୍ରିନାଥ ଜେନା ପ୍ରମୁଖ ପରିଚାଳନା କରିଥିବାବେଳେ ହରେକୃଷ୍ଣ ସାହୁ ଧନ୍ୟବାଦ ଅର୍ପଣ କରିଥିଲେ ।
