ଭଦ୍ରକ, ୩ା୮ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଧାମନଗର ବ୍ଲକ ଅନ୍ତର୍ଗତ ଧୂଷୁରୀ ଥାନାର ମଙ୍ଗଳପୁର ଛକ ନିକଟରେ ଏକ ଛିନତାଇ ଘଟଣାରେ ବିନୋଦ ମଳିକ ଗିରଫ ହୋଇଥିବାବେଳେ ଏ ସମ୍ପର୍କରେ ଧୂଷୁରୀ ଥାନାରେ ୧୫୮/୨୧ରେ ଏକ ମାମଲା ରୁଜୁ କରାଯାଇଥିଲା । ଏଥିରେ ମୁଖ୍ୟ ଅଭିଯୁକ୍ତ ପ୍ରିୟବ୍ରତ ମଳିକ ଓ ଲିପୁନ ମଳିକ ଫେରାର ଥିବାବେଳେ ସେମାନଙ୍କୁ ଧୂଷୁରୀ ପୋଲିସ ଗିରଫ କରିଛି । ସୂଚନାଯୋଗ୍ୟଯେ ଏମାନେ ପୂର୍ବରୁ ବହୁ ରାହାଯାନି ଓ ଚୋରି କରି ଥିବା ବିଭିନ୍ନ ଥାନରେ ମଧ୍ୟ କେସ ରହିଥିବାର ପୋଲିସ ପ୍ରକାଶ କରିଛି । ତେବେ ସେମାନଙ୍କୁ ଆଜି କୋର୍ଟଚାଲାଣ କରାଯାଇଥିବାର ଜଣାପଡିଛି ।
