ଭଦ୍ରକ, ୨୫ା୯ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ଧାମନଗର ପ୍ରେସ୍କ୍ଲବ ପକ୍ଷରୁ ଲୋକ ସେବକ ମଣ୍ଡଳର ଆଜୀବନ ସଦସ୍ୟା, ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ଲେଖିକା ତଥା ଦୈନିକ ସମାଜର ପୂର୍ବତନ ସମ୍ପାଦିକା ମନୋରମା ମହାପାତ୍ର ଓ ଓଟିଭିର ଯୁବ ସାମ୍ବାଦିକ ଅରିନ୍ଦମ ଦାସ ଏବଂ ଧାମନଗର ଅଞ୍ଚଳର ଜଣେ ଜଣାଶୁଣା ଖବରକାଗଜ ବିତରକ ଧନେଶ୍ୱର ଜେନା(କାଳିଆ)ଙ୍କ ବିୟୋଗରେ ଏକ ସ୍ମୁତି ସଭା ଅନୁଷ୍ଠିତ ହୋଇଯାଇଛି । ଏହି ସ୍ମୃତି ସଭାକୁ ପ୍ରେସ କ୍ଲବର ସଭାପତି ବାସୁଦେବ ତ୍ରିପାଠୀ ସଂଚାଳନା କରିଥିଲେ । ଧାମନଗର ପ୍ରେସ କ୍ଲବର ସାଧାରଣ ସମ୍ପାଦକ ପ୍ରଦୀପ କୁମାର ମହାପାତ୍ର ଉଦ୍ଦେଶ୍ୟ ଜ୍ଞାପନ କରିଥିବାବେଳେ ପ୍ରେସ୍ କ୍ଲବର ଊପଦେଷ୍ଟା ରସାନନ୍ଦ ମହାପାତ୍ର, ସାମ୍ବାଦିକ ଅନୀଲ କୁମାର ବାରିକ, ଦୀନବନ୍ଧୁ ଦାଶ, କୈଳାସ ଚନ୍ଦ୍ର ଗୁପ୍ତା, ସରୋଜ ସେଠୀ, ପ୍ରମୋଦ ସ୍ୱାଇଁ, ଅନନ୍ତ ଜେନା, ସୁଧାକର ଦାଶ, ଦେବାଶିଷ ରଥ, ବିବେକାନନ୍ଦ ସାମଲ, ସୁଶାନ୍ତ କୁମାର ରାଉତ, ବିବେକାନନ୍ଦ ପଣ୍ଡା, ସେକ୍ ଜାଫର ଅଲ୍ଲି, ପ୍ରଶାନ୍ତ ସାହୁ, ଗୌରାଙ୍ଗ ଦାଶ, ବାସୁଦେବ ପାତ୍ର, ଶିକ୍ଷକ ନେତା ହେମେନ୍ଦ୍ର ନାଥ ମହାନ୍ତି, ସମାଜସେବୀ ରାମଚନ୍ଦ୍ର ଜେନା ପ୍ରମୁଖ ଯୋଗଦେଇ ସ୍ୱର୍ଗତଙ୍କ ବିୟୋଗରେ ସୁଗୁଣାବଳୀ ସର୍ମ୍ପକରେ ବକ୍ତବ୍ୟ ପ୍ରଦାନ କରିଥିଲେ । ଏହି ଅବସରରେ ଦିବଂଗତଙ୍କ ଆତ୍ମାର ସଦ୍ଗତି ନିମନ୍ତେ ୨ମିନିଟ୍ ନିରବ ପ୍ରାଥନା କରିବା ସହ ତାଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରିଥିଲେ ।
