ଭଦ୍ରକ, ୧୧ା୮ (ଓଡ଼ିଆ ପୁଅ / ସ୍ନିଗ୍ଧା ରାୟ) – ପ୍ରଫେସର ଡ. ଶଶଧର ଦାସଙ୍କ ରଚିତ ତଥା ସଂଗୀତ ନିର୍ଦ୍ଦେଶକ ରୁଦ୍ରମାଧବଙ୍କ ସଂପର୍କ ମ୍ୟୁଜିକ୍ ନିବେଦିତ ‘ଲୀଳାମୟ ପ୍ରଭୁ’ ଭଜନ କ୍ୟାସେଟ ଉନ୍ମୋଚିତ ହୋଇଯାଇଛି । ଭଦ୍ରକ ଜଗନ୍ନାଥ ମନ୍ଦିର ପରିସରରେ ଅନୁଷ୍ଠିତ ଏହି ଉନ୍ମୋଚନ ଉତ୍ସବରେ ଅତିଥି ଭାବରେ ପ୍ରଫେସର ଶୈଳେନ୍ଦ୍ର ମହାପାତ୍ର, ପ୍ରଫେସର ମହେନ୍ଦ୍ର ନାୟକ, ଡ. ରାଧାରାଣୀ ମହାପାତ୍ର, ଡାକ୍ତର ଦୁର୍ଯ୍ୟୋଧନ ଦାସ, ଗାଳ୍ପିକ ପବିତ୍ର ପାଣିଗ୍ରାହୀ ପ୍ରମୁଖ ଯୋଗ ଦେଇ ଏହାର ଉନ୍ମୋଚନ କରିଥିଲେ । ଡ. ଦାସଙ୍କ ରଚିତ ଭଜନ ଗୁଡିକ ବେଶ୍ ହୃଦୟସ୍ପର୍ଶୀ ଓ ଭାବାତ୍ମକ ହୋଇପାରିଛି ବୋଲି ଅତିଥିମାନେ ମତବ୍ୟକ୍ତ କରିଥିଲେ । ଏହି କ୍ୟାସେଟରେ ମୋଟ ଚାରିଗୋଟି ଭଜନ ରହିଛି । ଓଡ଼ିଶାର ବିଶିଷ୍ଟ ଭଜନ ଗାୟକ ସୌରଭ ନାୟକ, ଶୈଳଭାମା ମହାପାତ୍ର, ରୁଦ୍ରମାଧବ, ଦେବେନ୍ଦ୍ର ପ୍ରସାଦ ପଣ୍ଡା ତଥା ନବାଗତ ଗାୟକ ପ୍ରଜ୍ଞାନ ଦାସ ପ୍ରମୁଖ ଏଥିରେ କଣ୍ଠଦାନ କରିଛନ୍ତି । ଭଜନ ଗୁଡିକ ଖୁବ୍ ଶ୍ରୁତି ମଧୁର ଓ ଭାବ ଗମ୍ଭୀର ହୋଇଛି ବୋଲି ଶ୍ରୋତାମାନେ ମତବ୍ୟକ୍ତ କରିଥିଲେ ।
