ନୂଆ ଦିଲ୍ଲୀ ୨୩ ଅଗଷ୍ଟ (ଓଡ଼ିଆ ପୁଅ) ଫରିଦାବାଦ ସେକ୍ଟର ୧୬ ର ଏକ ଘରୋଇ ଡାକ୍ତରଖାନାରେ ପିତାଙ୍କ ଡାୟଲିସିସ୍ ଚିକିତ୍ସା ପାଇଁ ତାଙ୍କ ପିତାଙ୍କ ସହ ଆସିଥିବା ଜଣେ ୧୪ ବର୍ଷର ବାଳିକାଙ୍କୁ କିଛି ଜରୁରୀ କାର୍ଯ୍ୟ ବାହାନା କରି ବିଲ୍ଡିଂର ବେସମେଣ୍ଟକୁ ନେଇ ଦୁଷ୍କର୍ମ କରିଥିବାର ଅଭିଯୋଗ ହୋଇଛି।
ପୋଲିସ କହିଛି ଯେ ଶନିବାର ଏହି ଘଟଣା ଘଟିଛି ଏବଂ ଫରିଦାବାଦର ଭରତ କଲୋନୀର ରାଜ କିଶୋର (୨୪) ନାମକ ଅଭିଯୁକ୍ତକୁ କିଛି ଘଣ୍ଟା ମଧ୍ୟରେ ଗିରଫ କରାଯାଇଛି। ସେ ଗତ କିଛି ମାସ ହେବ ଡାକ୍ତରଖାନାରେ ଗାର୍ଡ଼ ସୁପରଭାଇଜର ଭାବରେ କାର୍ଯ୍ୟ କରୁଥିଲା ବୋଲି ପୋଲିସ କହିଛି।
ପୋଲିସ କମିଶନର ଓପି ସିଂ କହିଛନ୍ତି ଯେ, ସନ୍ଦିଗ୍ଧ ବ୍ୟକ୍ତି ୱାଶରୁମରୁ ଫେରୁଥିବା ସମୟରେ ତାଙ୍କ ପିତାଙ୍କ ଚିକିତ୍ସା ସମ୍ବନ୍ଧୀୟ କିଛି ଜରୁରୀ କାର୍ଯ୍ୟ ପାଇଁ ତାଙ୍କୁ ଅନୁସରଣ କରିବାକୁ କହିଥିଲେ। ସେ ବାଳିକା ସହିତ ଦୁଷ୍କର୍ମ କରି ଘଟଣାସ୍ଥଳରୁ ପଳାୟନ କରିଥିଲା। ପୀଡିତା ଜଣକ ସେକ୍ଟର ୧୬ ପୋଲିସ ଷ୍ଟେସନକୁ ଖବର ଦେଇଥିବା ତାଙ୍କ ପରିବାର ସଦସ୍ୟଙ୍କ ଆଗରେ କହିଥିଲେ। ପୋସ୍କୋ (ଯୌନ ଅପରାଧରୁ ଶିଶୁଙ୍କ ସୁରକ୍ଷା) ଅଧିନିୟମ ଅନୁଯାୟୀ ମାମଲା ପଞ୍ଜୀକୃତ କରାଯାଇଛି, କିଛି ମିନିଟ୍ ମଧ୍ୟରେ ଟିମ୍ ଗଠନ କରି ପୀଡିତାଙ୍କ ଡାକ୍ତରୀ ପରୀକ୍ଷା କରାଯାଇଥିଲା ବୋଲି ପୋଲିସ୍ କହିଛି।
ପୋଲିସ କହିଛି ଯେ, ସେକ୍ଟର ୧୬ ର ମହିଳା ପୋଲିସ୍ ଷ୍ଟେସନର ଇନ୍ସପେକ୍ଟର ଗୀତା, ତାଙ୍କ ଟିମ୍ ସହିତ ଏବଂ କ୍ରାଇମ ବ୍ରାଞ୍ଚ ଘଟଣାସ୍ଥଳରେ ପହଞ୍ଚିଛନ୍ତି।
ସିଂ କହିଛନ୍ତି ଯେ ଡାକ୍ତରଖାନା କର୍ମଚାରୀଙ୍କ ସହାୟତାରେ ସିସିଟିଭି ଫୁଟେଜ ମାଧ୍ୟମରେ ଅଭିଯୁକ୍ତକୁ ଚିହ୍ନଟ କରାଯାଇଛି। ହ୍ୟୁମାନ ଇଣ୍ଚେଲିଜେନ୍ସି ଏବଂ ବୈଷୟିକ ଜ୍ଞାନକୁ ଆଧାର କରି ଟିମ୍ ତାକୁ ଘଣ୍ଟାଏ ମଧ୍ୟରେ ଗିରଫ କରିଥିଲା। ରବିବାର ତାକୁ କୋର୍ଟଚାଲାଣ କରାଯାଇଛି ବୋଲି ପୋଲିସ୍ ଅଧିକାରୀ କହିଛନ୍ତି।
ସେ ଅନ୍ୟ କୌଣସି ଅପରାଧିକ ଘଟଣାରେ ସମ୍ପୃକ୍ତ କି ନାହିଁ ଜାଣିବା ପାଇଁ ତାଙ୍କର ଅତୀତର ରେକର୍ଡଗୁଡିକ ଯାଞ୍ଚ କରୁଛି ପୋଲିସ୍। ପୋଲିସ୍ ଡାକ୍ତରଖାନା କର୍ମଚାରୀ ଏବଂ ପରିବାର ସଦସ୍ୟଙ୍କ ବିବୃତ୍ତି ମଧ୍ୟ ରେକର୍ଡ କରିଛି।
ପୀଡିତା ମାନସିକ ସ୍ତରରରେ ଠିକ୍ ହେବା ପରେ ଶିଶୁ କଲ୍ୟାଣ କମିଟି ମାଧ୍ୟମରେ ତାଙ୍କୁ କାଉନସେଲିଂ ଦିଆଯିବ ବୋଲି ପୋଲିସ କହିଛି।
