ଭଦ୍ରକ, ୧ା୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ବନ୍ତ ବ୍ଲକ ଆଗରପଡ଼ା ଠାରେ ଠାକୁର ଶ୍ରୀ ଶ୍ରୀ ଅନୁକୂଳ ଚନ୍ଦ୍ରଙ୍କ ୧୩୬ତମ ଜନ୍ମ ବାର୍ଷିକ ପାଳିତ ହୋଇଯାଇଛି । ସକାଳେ ସାହାନାଇ, ଉଷା କୀର୍ତ୍ତନ, ପ୍ରାର୍ଥନା, ଗ୍ରନ୍ଥ ପାଠ, ନଗର କୀର୍ତ୍ତନ ସହ ସର୍ବ ଧର୍ମ ପ୍ରାର୍ଥନା ଆଦି କରାଯାଇଥିଲା । ଯାଜକ କର୍ମୀ ନରହରି ସାହୁଙ୍କ ଆବାହକତ୍ୱରେ ସହ ପ୍ରତିରୁତିକ୍ ସୁବାଷ ଚନ୍ଦ୍ର ଦାଶ ଧର୍ମ ସଭାକୁ ସଂଯୋଜନା କରିଥିଲେ । ରୁତିକ୍ ମହେଶ୍ୱର ନାୟକ, ଗୌରହରି ଚକ୍ରବର୍ତ୍ତୀ, ଡ଼ ପାର୍ଥ ସାରଥୀ ମହାନ୍ତି, ନାରାୟଣ ରାଉତ, ଜଗନ୍ନାଥ ପ୍ରଧାନ, ପ୍ରହଲ୍ଲାଦ ସାହୁ, ସିଦ୍ଧେଶ୍ୱର ସାହୁ, ଭରତ ସାହୁ, ଅନ୍ନପୂର୍ଣ୍ଣା ଦାଶ, ସୁଜଳା ରଣା ପ୍ରମୁଖ ଠାକୁରଙ୍କ ମହତ୍ୱ ଓ ଭବ ସଂସାରରୁ ଉଦ୍ଧାର ନେଇ ମାର୍ଗ ଦର୍ଶନ କରି କହିଲେ, ପ୍ରେମୀର ସଂଙ୍ଗ କର ସତସଙ୍ଗ କର ଦେଖିବ ଈଷ୍ଟଦେବ ଆପେ ଆପେ ପ୍ରକଟ୍ଟ ହେବେ ତେଣୁ ଏ ଭବ ସଂସାରରୁ ପାରି ହେବା ନେଇ ଆଧ୍ୟାତ୍ମିକ ମାର୍ଗ ଅପରିହାର୍ଯ୍ୟ । ଦିବସ ବ୍ୟାପି କାର୍ଯ୍ୟକୁ ସନ୍ତୋଷ ଦାଶ, ସୁର୍ଯ୍ୟକାନ୍ତ ସାହୁ, ଭାଗବତ ସାହୁ, ପ୍ରଦୀପ ସାହୁ, ଜ୍ୟୋର୍ତିମୟ ପୃଷ୍ଟି, ଗଙ୍ଗାଧର ପୁହାଣ, ନାରାୟଣ ଚନ୍ଦ୍ର ରାଉତ ପ୍ରମୁଖ ପରିଚାଳନା କରିଥିଲେ ।
