ନୟାଗଡ଼, ୨୫.୧୨ (ଓଡ଼ିଆ ପୁଅ/ସୁରେନ୍ଦ୍ରନାଥ ପ୍ରଧାନ) – ନୟାଗଡ଼ ଜିଲ୍ଲାପାଳ ଡା, ପୋମା ଟୁଡୁ ଦିବା ଘ.୧୧.୩୦ମି. ସମୟରେ ପାଣିପୋଇଲା ସ୍ଥିତ ନୟାଗଡ଼ କଳା ପରିଷଦ ଅନାଥାଶ୍ରମ ପରିଦର୍ଶନ କରି ସେଠାରେ ଥିବା ଛାତ୍ରଛାତୀମାନଙ୍କ ସହିତ ବଡ଼ଦିନ ଉତ୍ସବ ପାଳନ କରିଥିଲେ ଓ ଶୀତବସ୍ତ୍ର, ପୋଷାକ ସହିତ ସ୍କୁଲ ବ୍ୟାଗ ବଂଟନ କରିଥିଲେ। ପିଲାମାନଙ୍କର ପାଠପଢ଼ା ଏବଂ ଖାଦ୍ୟପେୟ ସଂପର୍କରେ ପଚାରି ବୁଝିଥିଲେ। ଆଶ୍ରମର ପରିଚାଳିକା ସୁଶ୍ରୀ ପ୍ରଭାସିନୀ ନନ୍ଦ ମଧ୍ୟ ଉପସ୍ଥିତ ଥିଲେ। ଏହା ପରେ ପରେ ଡା. ଟୁଡୁ ଘଡ଼ୁଆଳ ସ୍ଥିତ ତପସ୍ୟା ଅନାଥାଶ୍ରମକୁ ଯାଇ ସେଠାରେ ଥିବା ପିଲାମାନଙ୍କ ସହିତ ବଡ଼ଦିନ ପର୍ବ ପାଳନ କରିଥିଲେ ଏବଂ ପିଲାମାନଙ୍କୁ ଶୀତବସ୍ତ୍ର, ପୋଷାକ ସହିତ ସ୍କୁଲ ବ୍ୟାଗ ମଧ୍ୟ ବଂଟନ କରିଥିଲେ।
