ଭଦ୍ରକ, ୧୪ା୫ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଚାନ୍ଦବାଲି ସିନେମା ବଜାରରେ ଆଜି ଅଗ୍ନିକାଣ୍ଡ ଘଟି ୪ଟି ପରିବାର ୬ବଖରା ଘର ସଂପୂର୍ଣ୍ଣ ପୋଡି ପାଉଁଶ ହୋଇ ଯାଇଛି ।ଖବରରୁ ଜଣାଯାଇଛି ଆଜି ସିନେମା ବଜାର ନିକଟସ୍ଥ ବସ୍ତିରେ ଗୀତାରଣୀ ନାମକ ମହିଳା ନିଜ ପରିବାର ପାଇଁ ରୋଷେଇ କରୁଥିବା ସମୟରେ ଗ୍ୟାସରେ ରୋଷେଇ କରୁଥିବା ସମୟରେ ଗ୍ୟାସ ଲିକ ହୋଇ ହଠାତ ନିଆଁ ଲାଗି ଯାଇଥିଲା । ଏହି ନିଆଁରେ ଗୀତାରାଣିଙ୍କ ଘର ସହ ୪ଟି ପରିବାର ର ୬ବଖରା ଘର ଏବଂ ୨ଟି ଗୋଦାମ ଓ ୨ଟି ଦୋକାନ ଘର ସଂପୂର୍ଣ ଭାବରେ ଜଳି ଯାଇଥିଲା । ଖବର ପାଇ ଚାନ୍ଦବାଲି ଅଗ୍ନିଶମ ବିଭାଗ ଆସି ଏହି ନିଆଁକୁ ଆୟତ କରିବାରେ ବିଫଳ ହୋଇଥିଲେ । ଅପ୍ରସ୍ତୁତ ଭାବରେ ଅଗ୍ନିଶମ ବାହିନୀ ଆସି ପହଂଚିଥିବାରୁ ସ୍ଥାନୀୟ ଲୋକମାନେ ଘଟଣା ସ୍ଥଳରେ ଭିଡ ଜମାଇଥିଲେ,ପରେ ଚାନ୍ଦବାଲି ଥାନାଧିକାରୀ ପ୍ରଜ୍ଞା ମହାନ୍ତି ଘଟଣା ସ୍ଥଳରେ ପହଂଚି ଲୋକଙ୍କୁ ବୁଝାସୁଝା କରିଥିବା ବେଳେ ଅଗ୍ନିଶମ ବାହିନୀ ନିଆଁ ଲିଭା କାର୍ଯ୍ୟ ସଂପୂର୍ଣ୍ଣ କରିଥିଲେ । କ୍ଷୟକ୍ଷତିର ଆକଳନ ପାଇଁ ଚାନ୍ଦବାଲି ତହସିଲଦାର ଘଟଣାସ୍ଥଳକୁ ଯାଇଥିବା ବେଳେ ଯୁଦ୍ଧକାଳୀନ ଭିତିରେ ସେମାନଙ୍କୁ ସରକାରୀ ସାହାଯ୍ୟ ଯୋଗାଇଦିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି ।
