ନୂଆ ଦିଲ୍ଲୀ ୧୯-୧୨ (ଓଡ଼ିଆ ପୁଅ) ଚାଇନାରେ ପୁଣି କରୋନା ପ୍ରକୋପ। ଆତଙ୍କିତ ହେଲେଣି ଚାଇନାବାସୀ। କରୋନା ଯୋଗୁଁ ଚାଇନାରେ ଏକପ୍ରକାରର ଭୟର ବାତାବରଣ ଦେଖାଦେଇଛି। ଲୋକମାନେ ଏତେ ଭୟଭୀତ ଯେ କରୋନାଙ୍କ ଭୟ ଯୋଗୁଁ ସେମାନେ ନିଜ ଘରୁ ବାହାରକୁ ଆସୁନାହାଁନ୍ତି ବୋଲି ଖବରରୁ ଜଣାପଡ଼ୁଛି। ରାସ୍ତାରେ ଜନ ଗହଳି ହ୍ରାସର ମାତ୍ରା ଦେଖିବାକୁ ମିଳୁଛି। ଅନେକ ସହରରେ ପ୍ରତ୍ୟେକ ଦିନ ନୂଆ କରୋନା ମାମଲା ବଢ଼ୁଛି। ଚୀନ୍ର ଅନେକ ସହରର ଡାକ୍ତରଖାନାଗୁଡ଼ିକରେ ଆଣ୍ଟିଜେନ୍ ଟେଷ୍ଟ କିଟ୍ ର ଅଭାବ ଥିବା କୁହାଯାଉଛି। ମୃତ୍ୟୁବରଣ କରୁଥିବା ଲୋକଙ୍କ ସଂଖ୍ୟା ଜଣା ପଡ଼ୁନାହିଁ, କିନ୍ତୁ ଶ୍ମଶାନରେ ଲମ୍ବା ଧାଡି ଦେଖିବାକୁ ମିଳିଛି ବୋଲି ଖବର ପ୍ରକାଶିତ ହେଉଛି। ବିଶେଷଜ୍ଞମାନଙ୍କ କହିବା ଅନୁଯାୟୀ, ଆଗାମୀ ସମୟରେ ଚୀନ୍ ଗୋଟିଏ ନୁହେଁ ତିନୋଟି ଲହର ପାଇଁ ସତର୍କ ରହିବାକୁ ପଡ଼ିବ। ପ୍ରଥମ ତରଙ୍ଗ ଶୀତଦିନରେ ଅନୁଭୂତ ହେବ। ଏହି ସମୟରେ, ଖ୍ରୀଷ୍ଟମାସ ଏବଂ ନୂତନ ବର୍ଷରେ ମାମଲା ଆହୁରି ବଢ଼ିପାରେ। ଦ୍ୱିତୀୟଟି ନୂଆ ବର୍ଷ ପରେ ଏବଂ ତୃତୀୟଟି ଲୁନାର ନୂଆ ବର୍ଷ ପରେ ହେବ ବୋଲି ଗଣମାଧ୍ୟମ ରିପୋର୍ଟରେ କୁହାଯାଉଛି। ଏହାର କାରଣ ଏହି ସମୟରେ ଲୋକମାନେ ନିଜ ଘରକୁ ଫେରିଥାନ୍ତି, ଅସାବଧାନତା ହେଲେ ବିପଦ ବହୁଗୁଣିତ ହୋଇପାରେ।
ସୂଚନାଯୋଗ୍ୟଯେ, ଚୀନ୍ର ସି ଜିନପିଙ୍ଗ ସରକାର ଦେଶରେ ଅନେକ ବିରୋଧ ପରେ କୋଭିଡ ସମ୍ବନ୍ଧରେ ଶୂନ୍ୟ କୋଭିଡ ନୀତି ସମାପ୍ତ କରିଥିଲେ। ଏହା ପରେ କରୋନା ମାମଲାରେ ଏକ ଅପ୍ରତ୍ୟାଶିତ ବୃଦ୍ଧି ଘଟିଛି। ସୂଚନା ଅନୁଯାୟୀ, ଚାଇନାର ଉତ୍ତରରୁ ଦକ୍ଷିଣ ପର୍ଯ୍ୟନ୍ତ ବ୍ୟାପିଥିବା ସହରଗୁଡ଼ିକରେ କରୋନା ଗ୍ରାଫ୍ ବୃଦ୍ଧି ପାଉଛି।
