ଭଦ୍ରକ, ୧ା୪ (ଓଡ଼ିଆ ପୁଅ / ସ୍ନିଗ୍ଧା ରାୟ)- ୧୧ କେଭି ବିଦ୍ୟୁତ୍ ତାର ସଂଯୋଗରେ ଆସି ଜଳିଗଲା ଛଣ ଟ୍ରକ୍ । ସୂଚନା ଅନୁସାରେ ଭଦ୍ରକ ଗ୍ରାମାଞ୍ଚଳ ଥାନା ଅଧୀନସ୍ଥ ଗଣିଜାଙ୍ଗ ଗ୍ରାମପଞ୍ଚାୟତ ହାସିନପୁର ଛକ ନିକଟରୁ ଗତକାଲି ରାତିରେ ରାଉରକେଲା ଅଭିମୁଖେ ଏକ ଛଣ ବୋଝେଇ ଗାଡି ଯାଉଥିବାବେଳେ ହଠାତ୍ ବିଦ୍ୟୁତ୍ ତାର ସଂସ୍ପର୍ଶରେ ଆସି ଗାଡିରେ ନିଆଁ ଲାଗିଯାଇଥିବାବେଳେ ଗାଁରେ ଏକ ପ୍ରକାର ଭୟର ବାତାବରଣ ସୃଷ୍ଟି ହୋଇଥିଲା । ଘଟଣାସ୍ଥଳରେ ଡ୍ରାଇଭର ଉପସ୍ଥିତ ବୁଦ୍ଧି ଯୋଗୁଁ ଗଣିଜାଙ୍ଗ ନିକଟରେ ଥିବା କପାଳୀ ନଦୀରେ ଗାଡିଟିକୁ ପୂରେଇ ଦେଇଥିଲେ । ପରେ ଖବର ପାଇ ଆଗରପଡାରୁ ଅଗ୍ନିଶମ ବିଭାଗ ପହଞ୍ôଚ ନିଆଁକୁ ଆୟତ୍ତ କରିବା ପାଇଁ ଚେଷ୍ଟା କରିବା ସହ ନିଆଁ ଲିଭାଇଥିଲା ।
