ଭଦ୍ରକ, ୧୧ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଣ୍ଡାରିପୋଖରୀ ରାଜେନ୍ଦ୍ରପୁର ପଞ୍ଚାୟତ କାର୍ଯ୍ୟାଳୟ ପରିସରରେ ବୁଧବାର ତାଲିମ ଗ୍ରହଣ କରି ସଫଳତା ହାସଲ କରିଥିବା ରାଜମିସ୍ତ୍ରୀମାନଙ୍କୁ ପ୍ରମାଣପତ୍ର ବିତରଣ କରାଯାଇଛି । ଓପି ଜିନ୍ଦଲ କମ୍ୟୁନିଟ କଲେଜ ଦ୍ୱାରା ରାଜମିସ୍ତ୍ରୀମାନଙ୍କ ଦକ୍ଷତା ବୃଦ୍ଧି ଓ ନୂତନ ଜ୍ଞାନକୌଶଳ ପରିଚିତି ପାଇଁ ତାଲିମ ପ୍ରଦାନ କରାଯାଇଥିଲା । ଏଥିରେ ପଞ୍ଚାୟତର ମୋଟ ୨୮ ଜଣ ରାଜମିସ୍ତ୍ରୀ ସଫଳତା ହାସଲ କରିଥିଲେ । ଏଥିନେଇ ଅନୁଷ୍ଠିତ ସଭାରେ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ବିକ୍ରମ କୁମାର ସାହୁଙ୍କ ସଂଯୋଜନା କରଥିଲେ । ଏଥିରେ ବିଡିଓ ବିଜୟ କୁମାର ସାହୁ, ସପଞ୍ଚ ଲକ୍ଷ୍ମୀପ୍ରିୟଦର୍ଶନୀ ଭାରତୀ, ସମାଜବେୀ ଜଗନ୍ନାଥ ଭାରତୀ, ତାଲିମ ପ୍ରଦାନକାରୀ କଲେଜ ପକ୍ଷରୁ ରାଜେଶ ମହାନ୍ତି, ପ୍ରବିତ କୁମାର ନାୟକ ସମ୍ମାନିତ ଅତିଥି ଭାବେ ଯୋଗଦେଇ ପ୍ରମାଣପତ୍ର ବିତରଣ କରିଥିଲେ । କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ସାହୁ ଧନ୍ୟବାଦ ଦେଇଥିଲେ ।
