ଭଦ୍ରକ, ୯ା୪ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଗାଈ ଚୋରି କରିବା ପାଇଁ ଆସି ଚୋର ହଟହଟା ହୋଇଥିବାର ଜଣାଯାଇଛି। ଜଣେ ଖସିଯାଇଥିବା ବେଳେ ଅନ୍ୟ ଜଣଙ୍କୁ ବାନ୍ଧି ପକାଇଲେ ଲୋକେ। ଗାଁ ଲୋକେ ଦେଖି ବାନ୍ଧି ପକାଇବା ସହ ପୁଲିସ୍ର ଜିମା ଦେଇଥିଲେ। ଏଠାରେ ସୂଚନାଯୋଗ୍ୟ ଯେ ଭଦ୍ରକ ଜିଲା ବନ୍ତ ବ୍ଲକ୍ ଅନ୍ତର୍ଗତ ସରିପୋଳ ଗ୍ରାମରେ ବିଳମ୍ବିତ ରାତିରେ ଏକ ଗାଡି ଗ୍ରାମ ଭିତରକୁ ଆସିବା ଦେଖି ଗ୍ରାମର ଜଣେ ବ୍ୟକ୍ତି ଗ୍ରାମବାସୀଙ୍କୁ ଜଣାଇଥିଲେ। ତେବେ ଗ୍ରାମବାସୀମାନେ ଆସି ଦେଖିଲାବେଳକୁ ଭ୍ୟାନରେ କିଛି ଗୋରୁଙ୍କୁ ବାନ୍ଧି ରଖିଥିବା ଦେଖି ପଚରାଉଚୁରା କରିଥିଲେ। ଏହି ସମୟରେ ଗାଡିରେ ଥିବା ଜଣେ ବ୍ୟକ୍ତି ଗାଡିରୁ ଡେଇଁ ଦୌଡି ପଳାଇଯାଇଥିବାବେଳେ ଅନ୍ୟ ଜଣଙ୍କୁ ସ୍ଥାନୀୟ ଲୋକ ଧରି ଅଟକ ରଖିବା ସହ ବାନ୍ଧି ପକାଇଥିଲେ। ତେବେ ଉତ୍ତ୍ୟକ୍ତ ଲୋକମାନେ ଗାଡିଟିକୁ ପେଲି ଗଡାଇ ପକାଇଦେବା ସହ ସଂପୃକ୍ତ ବ୍ୟକ୍ତିଙ୍କୁ ବାନ୍ଧି ରଖିଥିଲେ। ଘଟଣାସ୍ଥଳରେ କେନ୍ଦୁଆପଦା ଫାଣ୍ଡି ପୋଲିସ୍ ସ୍ଥିତି ସମ୍ଭାଳିଛି।
