ନୟାଗଡ଼, ୨୫ା୭ : (ଓଡ଼ିଆ ପୁଅ/ସୁରେନ୍ଦ୍ର ନାଥ ପ୍ରଧାନ) ଖଣ୍ଡପଡ଼ା ବ୍ଳକ ଅନ୍ତର୍ଗତ ଯୋଗିଆପଲ୍ଲୀ ପଂଚାୟତର ଘାଟି ଠାକୁରାଣୀ କଲ୍ୟାଣ ମଣ୍ଡପ ସଙ୍ଗରୋଧ କେନ୍ଦ୍ରଠାରେ ଥିବା ଅନ୍ତେବାସିନୀମାନେ ବୃକ୍ଷରୋପଣ କରିଛନ୍ତି। ଗ୍ରାମୀଣ ଆଇନ୍ ସଚେତନତା କର୍ମୀ ପ୍ରଫୁଲ କୁମାର ବେହେରାଙ୍କ ଆହ୍ୱାନ କ୍ରମେ ନକୁଳ ଜେନାଙ୍କ ନେତୃତ୍ୱରେ ପରିବେଶର ସୁରକ୍ଷା ପାଇଁ ଏହି ବୃକ୍ଷରୋପଣ ହୋଇଥିଲାବେଳେ ଅନ୍ତେବାସୀମାନେ ପରିବେଶ ସ୍ୱଚ୍ଛତା ସହ ଅଁଳା, ଆମ୍ବ, ଆତ, ପିଜୁଳି, ଆକାଶିଆ ଆଦି ବିଭିନ୍ନ ପ୍ରକାର ଚାରା ଲଗାଇଥିଲେ। ଏହି ଚାରାକୁ ସମାଜସେବୀ ପ୍ରଦୀପ କୁମାର ସାହୁ ଯୋଗାଇ ଦେଇଥିଲାବେଳେ ଏଥିରେ ମଧୂସ୍ମିତା ବେହେରା, ଚିତ୍ତରଂଜନ ପଟ୍ଟନାୟକ, ପ୍ରଦୀପ୍ତ ପଟ୍ଟନାୟକ, ଗୋବିନ୍ଦ କୁମାର ପଣ୍ଡା, ଦାଶରଥି ବେହେରା, ଶ୍ରୀକାନ୍ତ କୁମାର ବେହେରା, ସୃଷ୍ଟି ସମୃଦ୍ଧି ଜେନା ପ୍ରମୁଖ ଅନ୍ତେବାସୀ ସାମିଲ ଥିଲେ। ସ୍ଥାନୀ ସରପଂଚ ଏଥିରେ ସହଯୋଗ କରିଥିଲେ।
