କୋରାପୁଟ ୦୨-୦୪ (ଓଡିଆ ପୁଅ /ରଂଜନ ଦାସ) କୋରାପୁଟ ଜିଲ୍ଲାରେ ଶୁକ୍ରବାର ଦିନ ଜଣେ ମହିଳାଙ୍କ ସମେତ ପୁଣି ୪ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ଜିଲ୍ଲା ପ୍ରଶାସନ ତରଫରୁ ସୂଚନା ଦିଆଯାଇଛି । ଆକ୍ରାନ୍ତମାନଙ୍କ ମଧ୍ୟରୁ ୨ଜଣ ଜୟପୁର ପୌରାଂଚଳର ଥିବାବେଳେ ଜଣେ ସୁନାବେଡା ପୌର ପରିଷଦ ହାଲଟାଉନସିପର ଓ ଆଉ ଜଣେ କୁନ୍ଦୁରା ବ୍ଲକ ଲିମା ଗ୍ରାମର ବୋଲି ଜଣାପଡିଛି । ଜୟପୁର ପୌରାଂଚଳରୁ ଚିହ୍ନଟ ୨ ଜଣଙ୍କ ମଧ୍ୟରୁ ଜଣେ ପ୍ରସାଦରାଓ ପେଟ୍ଟା ଓ ଅନ୍ୟ ଜଣେ ଆଇନ ମହାବିଦ୍ୟାଳୟ ନିକଟ ଅଂଚଳର ବୋଲି ସୂଚନା ମିଳିଛି । ଗତ ୩ଦିନରେ ଜିଲ୍ଲାରେ ଲଗାତାର କରୋନା ପଜିଟିଭ ଚିହ୍ନଟ ହେଉଥିବା ଘଟଣା ଜିଲ୍ଲା ପ୍ରଶାସନ ପାଇଁ ଚିନ୍ତାର କାରଣ ହୋଇଛି ।