ଭଦ୍ରକ, ୧୬ା୧୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଜି ପୂର୍ବାହ୍ନ ବିଶ୍ୱକପ-୨୦୨୩ ଭଦ୍ରକ ବ୍ଲକ ଜୋନ୍୨ ପଂଚାୟତସ୍ତରୀୟ କ୍ରୀଡା ଉତ୍ସବ କୋଡବରୁଆଁ ପଂଚାୟତ ଅଧିନସ୍ଥ କୋଡଗମ୍ଭୀର ତାରିଣୀ ପଡିଆ ଠାରେ ଅନୁଷ୍ଠିତ ହୋଇଯାଇଛି। ଏହାକୁ ଭଦ୍ରକ ବ୍ଲକ ଅଧ୍ୟକ୍ଷା ଉର୍ମିଳା ନାୟକ ଉଦଘାଟନ କରିଥିଲେ। ଏଥିରେ ମୁଖ୍ୟ ଅତିଥି ଭାବେ କୋଡବରୁଆଁ ସରପଂଚ ସୁଷମା ମହାନ୍ତି, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ରମେଶ ଚନ୍ଦ୍ର ନାୟକ, ସମ୍ମାନିତ ଅତିଥି ଭାବେ ଭଦ୍ରକ ଏବିଡିଓ ଗୁଲ ଫିର୍ଦୋସ, ସମିତିସଭ୍ୟ ରାଜେନ୍ଦ୍ର ନାରାୟଣ ପାଣି, ଭଦ୍ରକ ଲାୟନ୍ସ କ୍ଲବ ସଭାପତି ଅଶୋକ କୁମାର ମହାନ୍ତି ପ୍ରମୁଖ ଯୋଗଦେଇଥିଲେ। ଏହି ସଭାରେ ପଲ୍ଲିଶ୍ରୀ ହାଇସ୍କୁଲ ପ୍ରଧାନ ଶିକ୍ଷକ ଅଶୋକ କୁମାର ଦାଶ ସଭାପତିତ୍ୱ କରିଥିଲେ। ଉକ୍ତ କାର୍ଯ୍ୟକ୍ରମରେ କୋଡବରୁଆଁ, ଚଣ୍ଡିଗାଁ, ଜଗଦଳପୁର, ରାହାଞ୍ଜ, ରମ୍ଭିଳା, ବଣିଆ, ପରସିିଙ୍ଗା, ଚରମ୍ପା ଓ ଏରେଇଁ ଆଦି ୯ଟି ପଂଚାୟତର ୪୫ଟି ବିଦ୍ୟାଳୟରୁ ୫ଶହରୁ ଅଧିକ ଛାତ୍ରଛାତ୍ରୀ ଯୋଗଦେଇଥିଲେ। ଅନ୍ୟପକ୍ଷରେ ଏହି କ୍ରୀଡା ଉତ୍ସବରେ ୨ହଜାର ରୁ ଅଧିକ ସଂଖ୍ୟକ ୯ଟି ପଂଚାୟତର ସରପଂଚ, ସମିତିସଭ୍ୟ, ଅଭିଭାବକ, କ୍ରୀଡାବିତ ଓ ସମାଜସେବୀମାନେ ଯୋଗଦାନ କରିଥିଲେ। ଏହି କ୍ରୀଡା ଉତ୍ସବରେ ଖୋଖୋ, କବାଡି, ଭଲିବଲ, ଫୁଟବଲ ଆଦି ପ୍ରତିଯୋଗୀତା ଅନୁଷ୍ଠିତ ହୋଇଥିଲା। ଏହି ଖେଳ କୁ ରଶ୍ମିକର ମଲ୍ଳିକ, ଅଶୋକ ବିଶ୍ୱାଳ, ବିଜୟ ସାମଲ, ତନୁଶ୍ରୀ ନାୟକ, ଧିରେନ୍ଦ୍ର ଭଂଜ, ଆରତୀ ଜେନା ପ୍ରମୁଖ ଖେଳ ପରିଚାଳନା କରିଥିଲେ। ଏହି ଏକଦିବସୀୟ କ୍ରୀଡା ଉତ୍ସବଟି କୋଡବରୁଆଁ ପଂଚାୟତ ସରପଂଚ ପ୍ରତିନିଧି ଯୁବନେତା ଆଶୀଷ କୁମାର ମହାନ୍ତି, ଶିକ୍ଷକ, ଅଭିଭାବକ ଓ ଅଂଚଳବାସୀଙ୍କ ସହଯୋଗରେ ସଫଳ ହୋଇଥିଲା।
