ଭଦ୍ରକ, ୭ା୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ବନ୍ତ ବ୍ଲକ ପୂରାତନ କୃପାସିନ୍ଧୁ ଉଚ୍ଚ ବିଦ୍ୟାଳୟ ଅଢାଳପଙ୍କରେ ବାର୍ଷିକ ଉତ୍ସବ ପାଳିତ ହୋଇଯାଇଛି । ବିଦ୍ୟାଳୟର ପ୍ରଧାନ ଶିକ୍ଷକ ବିମଳ ଚନ୍ଦ୍ର ଦାସ ସଭାପତିତ୍ୱ କରିଥିଲେ । ଏଥିରେ ମୁଖ୍ୟ ଅତିଥି ଭାବେ ବନ୍ତ ଆଞ୍ଚଳିକ ମହାବିଦ୍ୟାଳୟର ପୂର୍ବତନ ଅଧ୍ୟକ୍ଷ ଡ଼ଃ ଶୁଭେନ୍ଦ୍ର କୁମାର ମିଶ୍ର, ମୁଖ୍ୟବକ୍ତା ସାହିତ୍ୟିକ ଚତୁର୍ଭୁଜ ପହି, ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ପ୍ରଦୀପ କୁମାର ସେଠୀ, ସମ୍ମାନିତ ଅତିଥି ପରିଚାଳନା କମିଟି ସଭାପତି ମଧୁସୂଦନ ଶଙ୍ଖୁଆ, ଆଲୁମିନି କମିଟି ଅଧ୍ୟକ୍ଷ ବିକ୍ରମାଦିତ୍ୟ ତ୍ରୀପାଠୀ, ଶିକ୍ଷାବିତ୍ ପ୍ରଭାତ କୁମାର ସେନାପତି, ଡ଼ଃ ଦିଲ୍ଲୀପ କୁମାର ସାହୁ, ଅଢାଳପଙ୍କ ଶାଖା ପରିଚାଳକ ସନ୍ଦୀପ କୁମାର ଲେଙ୍କା ପ୍ରମୁଖ ଯୋଗ ଦେଇଥିଲେ । ଏହି ଅବସରରେ ପୂର୍ବତନ କର୍ମଚାରୀ ରବିନ୍ଦ୍ର ମୋହନ ମାଝୀ, ଶିକ୍ଷାବିତ କମଳାକାନ୍ତ ଦାସଙ୍କୁ ଅତିଥି ମାନେ ସମ୍ବର୍ଦ୍ଧିତ କରିଥିଲେ । ପ୍ରାରମ୍ଭରେ କନିଷ୍ଠ ସହାୟକ ଆଲୋକ ରଞ୍ଜନ ମୁଖାର୍ଜୀ ଅତିଥି ପରିଚୟ, ଶିକ୍ଷୟିତ୍ରୀ ଆଶାଲତା ରାଜ ବିବରଣୀ ପାଠ ଓ ଶେଷରେ ବନଲତା ଦାସ ଧନ୍ୟବାଦ ଅର୍ପଣ କରିଥିଲେ । ଏହି ଅବସରରେ କୃତି ଛାତ୍ର ଛାତ୍ରୀଙ୍କୁ ପୁରସ୍କୃତ କରାଯିବା ସହ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଦଶମ ଶ୍ରେଣୀ ଛାତ୍ରଛାତ୍ରୀଙ୍କୁ ବିଦାୟ ସମ୍ବର୍ଦ୍ଧନା ଦିଆଯାଇଥିଲା । ପ୍ରାଚୀ ପ୍ରଭା ନାୟକ ,ସସ୍ମିତା ଦାସ, ସିଦ୍ଧେଶ୍ୱର ପଣ୍ଡା, ଅତିଥି ଶିକ୍ଷକ ପ୍ରକାଶ ଚନ୍ଦ୍ର ସାହୁ, ନାରାୟଣ ଚନ୍ଦ୍ର ରାଉତଙ୍କ ସମେତ କର୍ମଚାରୀ ବୀଣାପାଣି ବେହେରା, ମନ୍ମଥ ଯେନା ପରିଚାଳନାରେ ସହଯୋଗ କରିଥିଲେ ।
