ଭଦ୍ରକ, ୧ା୪ (ଓଡ଼ିଆ ପୁଅ / ସ୍ନିଗ୍ଧା ରାୟ)- ଉତ୍କଳମଣି ଫାଉଣ୍ଡେସନ ଟ୍ରଷ୍ଟ ପକ୍ଷରୁ ଆଜି ପବିତ୍ର ଉତ୍କଳ ଦିବସ ମହାସମାରୋହରେ ପାଳିତ ହୋଇଛି । ପ୍ରାରମ୍ଭରେ ଟ୍ରଷ୍ଟର ସଦସ୍ୟମାନଙ୍କ ଦ୍ୱାରା କୋର୍ଟ ପରିସରରେ ଥିବା ମଧୁବାବୁ, ପଣ୍ଡିତ ଉତ୍କଳମଣି, ଡ. ହରେକୃଷ୍ଣ ମହତାବ, କବି ବାଞ୍ଛାନିଧି ମହାନ୍ତି, କବିଶେଖର ଚିନ୍ତାମଣି ମହାନ୍ତି, କାନ୍ତକବି ଲକ୍ଷ୍ମୀକାନ୍ତ ମହାପାତ୍ରଙ୍କ ଭଳି ମହାପୁରୁଷମାନଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯାଇଥିଲା । ଏହାପରେ ଟ୍ରଷ୍ଟର ସାଧାରଣ ସଂପାଦକ ସିଗ୍ଧା ରାୟଙ୍କ ଅଧ୍ୟକ୍ଷତାରେ ଏକ ସଭା ଅନୁଷ୍ଠିତ ହୋଇଥିଲା । ଏଥିରେ ପୂର୍ବତନ କାଉନ୍ସିଲର ପ୍ରଣୟ କୁମାର ଦାସ, ଅସିତ କୁମାର ପାଣିଗ୍ରାହୀ, ସୁକାନ୍ତ ମହାନ୍ତି, ଶୁଭେନ୍ଦୁ ଧଳ, ନିଶିକାନ୍ତ ନାୟକ, ଅଶୋକ ସାହୁ, ଦୁର୍ଗାଚରଣ ସାମଲ, ମୃତ୍ୟୁଞ୍ଜୟ ରାଉତ ପ୍ରମୁଖ ଯୋଗଦେଇ ଉତ୍କଳ ଦିବସର ଦିବସର ତାତ୍ପର୍ଯ୍ୟ ସଂପର୍କରେ ମତବ୍ୟକ୍ତ କରିବା ସହ ଉତ୍କଳ ଗୋରବ ମଧୂସୁଦନ ଦାସଙ୍କ ଜୀବନୀ ଉପରେ ଆଲୋକପାତ କରିଥିଲେ । ଶେଷରେ ମିଡିଆ ସେଲ୍ର ଚେୟାରମେନ୍ ପ୍ରମୋଦ ରାୟ ଧନ୍ୟବାଦ ଅର୍ପଣ କରିଥିଲେ ।
