ଇନ୍ଦୋର ୭-୫ (ଓଡ଼ିଆ ପୁଅ) ଶୁକ୍ରବାର ବିଳମ୍ବିତ ରାତିରେ ଇନ୍ଦୋରର ବିଜୟ ନାଗର ଅଞ୍ଚଳରେ ଏକ ହୃଦୟ ବିଦାରକ ଦୁର୍ଘଟଣାରେ ୭ ଜଣଙ୍କର ମୃତ୍ୟୁ ହୋଇଛି। ଏକ ଦୁଇ ମହଲା କୋଠାରେ ଅଗ୍ନିକାଣ୍ଟ ଘଟି ୭ ଜଣଙ୍କର ମୃତ୍ୟୁ ହୋଇଛି। ସ୍ୱର୍ଣ୍ଣ ବାଗ କଲୋନୀରେ ଅବସ୍ଥିତ ଏହି କୋଠାରେ ଅଗ୍ନିକାଣ୍ଡ ଘଟିଥିବାର ସୂଚନା ପାଇବା ମାତ୍ରେ ଅଗ୍ନିଶମ ବାହିନୀ ବିଜୟ ନଗର ପୋଲିସ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା। ପୋଲିସ ମୃତଦେହକୁ ହସ୍ପିଟାଲକୁ ପଠାଇଛି। କୁହାଯାଉଛିଯେ, ବିଲଡିଂରେ ସର୍ଟ ସର୍କିଟ ହେତୁ ନିଆଁ ଧୀରେ ଧୀରେ ଏକ ଭୟଙ୍କର ରୂପ ନେଇଗଲା।
ସୂଚନାନୁସାରେ, ନିଆଁରେ ଜଳିଯିବା କାରଣରୁ ମୃତ୍ୟୁବରଣ କରିଥିବା ଲୋକମାନେ ଏହି ଭବନରେ ଭଡା ଘରେ ରହୁଥିଲେ। ଏହି ଲୋକମାନଙ୍କ ମଧ୍ୟରୁ କେତେକ ଅଧ୍ୟୟନ କରୁଥିଲେ ଏବଂ କେତେକ ଲୋକ କାମ କରୁଥିଲେ। ଦୁର୍ଘଟଣା ବିଷୟରେ ମଧ୍ୟ ଅନୁମାନ କରାଯାଉଛି ଯେ ସର୍ଟ ସର୍କିଟ ପୂର୍ବରୁ ପାର୍କିଂ ସ୍ଥାନରେ ରଖାଯାଇଥିବା କାରଗୁଡ଼ିକରେ ନିଆଁ ଲାଗିବା ପରେ ଧୀରେ ଧୀରେ ସମଗ୍ର ଘରେ ବ୍ୟାପିଗଲା। ନିଆଁ ଏତେ ଭୟଙ୍କର ରୂପ ନେଇଥିଲା ଯେ ଉଦ୍ଧାର କରିବା ପାଇଁ ସୁଯୋଗ ମିଳିନଥିଲା। ଲୋକମାନେ କିଛି ବୁଝି ନପାରୁଥିବା ବେଳେ, ଜୀବନ୍ତ ଜଳିବା ଦ୍ୱାରା ଏବଂ କେତେକ ଶ୍ୱାସରୁଦ୍ଧ ହୋଇ ମୃତ୍ୟୁ ବରଣ କରିଥିଲେ।
