ନୂଆଦିଲ୍ଲୀ ୧-୨ (ଓଡ଼ିଆ ପୁଅ) ଅର୍ଥମନ୍ତ୍ରୀ ନିର୍ମଳା ସୀତାରମଣ ବର୍ତ୍ତମାନଠାରୁ ପ୍ରାୟ ଦେଢ଼ ଘଣ୍ଟା ପରେ ଦେଶର ବଜେଟ୍ ଉପସ୍ଥାପନ କରିବାର କାର୍ଯ୍ୟକ୍ରମ ରହିଛି। ଦେଶରେ ଚାଲିଥିବା କୃଷକ ଆନ୍ଦୋଳନ ସମୟରେ ସରକାରଙ୍କ ସମ୍ପୂର୍ଣ୍ଣ ଧ୍ୟାନ ଚାଷୀଙ୍କୁ ଖୁସି କରିବା ଉପରେ ରହିବ। ଅର୍ଥମନ୍ତ୍ରୀ ଦେଶର ଚାଷୀଙ୍କ ପାଇଁ ଦୁଇଟି ବଡ଼ ଘୋଷଣା କରିପାରନ୍ତି।
ଅନୁମାନ କରାଯାଉଛି ଯେ, ପ୍ରଧାନମନ୍ତ୍ରୀ କିସାନ ସମ୍ମାନ ନିଧି ଯୋଜନା ଏବଂ କିସନ କ୍ରେଡିଟ କାର୍ଡ ସମ୍ପର୍କରେ ଅର୍ଥମନ୍ତ୍ରୀ ଏକ ବଡ ଘୋଷଣା କରିପାରନ୍ତି। ସରକାର, ପ୍ରଧାନମନ୍ତ୍ରୀ କିଷାନ ଯୋଜନା ପରିମାଣକୁ ୬ ହଜାର ଟଙ୍କାରୁ ବଢ଼ାଇ ବାର୍ଷିକ ୧୦ ହଜାର ଟଙ୍କାକୁ ବୃଦ୍ଧି କରିପାରନ୍ତି। ଏହି ଘୋଷଣା ସହିତ ସରକାର କୃଷକ ଆଇନକୁ ବିରୋଧ କରୁଥିବା କୃଷକମାନଙ୍କୁ ମଧ୍ୟ ଏକ ବାର୍ତ୍ତା ପଠାଇବାକୁ ଚାହିଁପାରନ୍ତି।
ଏଠାରେ ଉଲ୍ଲେଖଯୋଗ୍ୟ ଯେ ଦେଶରେ କୃଷି ଆଇନ୍ର କ୍ରମାଗତ ବିରୋଧ ଚାଲୁଛି। ଗଣତନ୍ତ୍ର ଦିବସରେ ଦିଲ୍ଲୀରେ ହିଂସାତ୍ମକ ଘଟଣା ପରେ କିସାନ ଆନ୍ଦୋଳନ ଶିଥିଳ ପଡ଼ୁଥିଲା କିନ୍ତୁ ରାକେଶ ଟିକାୟତଙ୍କର ଲୁହ ଏହି ଆନ୍ଦୋଳନକୁ ଶକ୍ତି ପ୍ରଦାନ କରିବା ସହିତ ପୁନଃ ଏହି ଆନ୍ଦୋଳନ ତେଜିବାରେ ଲାଗିଛି। କିନ୍ତୁ ସରକାର ଏହାକୁ ଦୃଷ୍ଟିରେ ରଖି କୃଷକମାନଙ୍କୁ ନିଶ୍ଚିତଭାବରେ ଖୁସି କରିବା ପାଇଁ ପଦକ୍ଷେପ ନେବେ। ସରକାର ଏବଂ କୃଷକଙ୍କ ମଧ୍ୟରେ କ୍ରମାଗତ ବୈଠକ ଚାଲିଥିଲା, କିନ୍ତୁ ଆଇନ ପ୍ରତ୍ୟାହାର କରିବାକୁ କୃଷକ ଅଡ଼ି ବସିଥିବା ବେଳେ ସରକାରମଧ୍ୟ ଏହାର ସପକ୍ଷରେ ନଥିବା ପରି ଜଣାପଡ଼ୁଛନ୍ତି।
ଏପର୍ଯ୍ୟନ୍ତ କୌଣସି ସମାଧାନ ମିଳିନାହିଁ। ଏହି ସମୟରେ ଆଜି ସଂସଦରେ ଉପସ୍ଥାପିତ ହେବାକୁ ଥିବା ବଜେଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଏନଡିଏ ସରକାର ଦୁଇଟି ବଡ଼ ଘୋଷଣା କରି ଚାଷୀଙ୍କ ପାଇଁ ବଡ଼ ଘୋଷଣା କରିପାରନ୍ତି। ତେବେ ୨୦୧୯-୨୦ ଆର୍ଥିକ ବର୍ଷରେ କୃଷି ପାଇଁ ସରକାରଙ୍କ ବଜେଟ୍ ଆକଳନ ୧.୫୧ ଲକ୍ଷ କୋଟି ଟଙ୍କା ଥିଲା। ଯାହା ଏଥର ୧.୫୪ ଲକ୍ଷ କୋଟିକୁ ବୃଦ୍ଧି ପାଇପାରେ। କିସାନ ସାମମାନ ନିଧି ଯୋଜନା ଅନୁଯାୟୀ ମୋଦୀ ସରକାର ବାର୍ଷିକ ୬, ୦୦୦ ଟଙ୍କା ଛୋଟ ଏବଂ କ୍ଷୁଦ୍ର ଚାଷୀଙ୍କୁ ସିଧାସଳଖ ସେମାନଙ୍କ ବ୍ୟାଙ୍କ ଆକାଉଣ୍ଟରେ ପଠାଉଛନ୍ତି। ଚାଷୀମାନେ କହିଛନ୍ତି ଯେ ସେମାନଙ୍କର ଆବଶ୍ୟକତା ଅନୁଯାୟୀ ଏହି ପରିମାଣ ବହୁତ କମ୍ ଅଟେ।
କୃଷକମାନଙ୍କୁ କିସାନ୍ କ୍ରେଡିଟ୍ କାର୍ଡରେ ଅତି କମ୍ ସୁଧରେ ଋଣ ଯୋଗାଇ ଦିଆଯାଏ। କିସାନ କ୍ରେଡିଟ୍ କାର୍ଡ ମାଧ୍ୟମରେ କୃଷକ, ପଶୁପାଳନ ଏବଂ ମତ୍ସ୍ୟଜୀବୀମାନେ ଅନେକ ସୁବିଧା ପାଆନ୍ତି। ମାର୍ଚ୍ଚ ୨୦୨୧ ସୁଦ୍ଧା ଦେଶର କୃଷକମାନଙ୍କୁ ମୋଟ ୧୫ ଲକ୍ଷ କୋଟି ଟଙ୍କାର କୃଷିଋଣ ବଣ୍ଟନ କରିବାକୁ ସରକାର ଲକ୍ଷ୍ୟ ରଖିଛନ୍ତି। ବର୍ତ୍ତମାନ ଦେଶରେ ପ୍ରାୟ ୮ କୋଟି କିସାନ କ୍ରେଡିଟ କାର୍ଡଧାରୀ ଅଛନ୍ତି।
