ଭଦ୍ରକ, ୧୨ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଗତକାଲି ଭଦ୍ରକରେ ଏକ ଆମ୍ବୁଲାନ୍ସରୁ ୪୫ କେଜି ଗଂଜେଇ ଜବତ କରାଯାଇଥିବା ଘଟଣାରେ ଆଜି ୮ ଜଣଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଥିବା ବିଷୟ ଜଣାପଡିଛି । ଏଠାରେ ସୂଚନାଯୋଗ୍ୟ ଭଦ୍ରକ ସହରରେ କୋଟି କୋଟି ଟଙ୍କାର ଧଳା ଜହର ଓ ଗଂଜେଇ ଜବତ ହେଉଥିବାବେଳେ ଗତକାଲି ରାତିରେ ସହରାଞ୍ଚଳ ପୁଲିସ୍ ବିଶେଷ ସୂତ୍ରରୁ ଖବର ପାଇ ଏକ ଆମ୍ବୁଲାନ୍ସକୁ ଅଟକାଇଥିଲା । ଏବଂ ଆମ୍ବୁଲାନ୍ସଟିକୁ ଯାଞ୍ଚ କଲା ସମୟରେ ସେଥିରୁ ୪୫ କେଜି ଗଂଜେଇ ଜବତ କରାଯିବା ସହ ଅନ୍ୟ ଏକ କାର୍ ମଧ୍ୟ ଜବତ ହୋଇଥିଲା । ଏହି ଘଟଣାରେ ପୁଲିସ୍ ୮ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିବା ବିଷୟ ଆଡିସ୍ନାଲ ଏସ୍ପି ଯତୀନ ପଣ୍ଡା ଆଜି ଏକ ସାମ୍ବାଦିକ ସମ୍ମିଳନୀରେ ଗଣମାଧ୍ୟମକୁ କହିଛନ୍ତି ।
