ଭଦ୍ରକ, ୧୫ା୪ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଦାନୀ ଧାମରା ପୋର୍ଟ ପକ୍ଷରୁ ୭୮ତମ ଅଗ୍ନିଶମ ସେବା ସପ୍ତାହ ପୋର୍ଟ ପରିସରରେ ପାଳିତ ହୋଇଯାଇଛି । ଏହି ଅବସରରେ ଅଗ୍ନିଶମ ସୁରକ୍ଷା ବାହିନୀରେ କାର୍ଯ୍ୟ କରି ପ୍ରାଣ ହରାଇଥିବା ଶହିଦମାନଙ୍କ ସ୍ମୃତିରେ ଶ୍ରଦ୍ଧାଞ୍ଜଳି ସଭା ଆୟୋଜନ କରାଯାଇଥିଲା । ସଭାରେ ପୋର୍ଟ ସୁରକ୍ଷା ତଥା ଅଗ୍ନିଶମ ବାହିନୀର ମୁଖ୍ୟ ଶ୍ରୀ ସୁବ୍ରତ କୁମାର ମଣ୍ଡଳ ଯୋଗଦେଇ ୭୮ବର୍ଷ ତଳେ ବମ୍ବେ ଡକ୍ରେ ଘଟି ଯାଇଥିବା ଭୟାବହ ଅଗ୍ନିକାଣ୍ଡ ବିଷୟରେ ବିବରଣୀ ପ୍ରଦାନ କରିବା ସହିତ ଅଗ୍ନି ସୁରକ୍ଷା ଉପକରଣର ଉଚିତ୍ ବ୍ୟବହାର ପାଇଁ ଅଗ୍ନିଶମ ବାହିନୀକୁ ଉପଦେଶ ଦେଇଥିଲେ । ଅଗ୍ନିକାଣ୍ଡ ସମୟରେ ସାହସର ମୁକାବିଲା କରିବା ପାଇଁ ସମୟ ସମୟରେ ମକ୍ଡ୍ରିଲ ଆୟୋଜନ ଉପରେ ସେ ଗୁରୁତ୍ୱ ଦେଇଥିଲେ । କାର୍ଯ୍ୟସ୍ଥଳରେ ଉପଯୁକ୍ତ ସୁରକ୍ଷା ବ୍ୟବସ୍ଥା ଉପରେ ସେ ପ୍ରାଧାନ୍ୟ ଦେଇଥିଲେ । ଧାମରା ପୋର୍ଟ କର୍ତ୍ତୃପକ୍ଷ ଏହି ସପ୍ତାହରେ ବିଭିନ୍ନ ଅଗ୍ନିଶମ ତାଲିମ କାର୍ଯ୍ୟକ୍ରମ କରିବାକୁ ଯୋଜନା କରିଛନ୍ତି ବୋଲି ଫାୟାର ଷ୍ଟେସନ ଇନଚାର୍ଜ ସିଦ୍ଧାର୍ଥ ଦ୍ୱିବେଦୀ ସୂଚନା ଦେଉଛନ୍ତି ।
