ବିଜେପୁର,୨୪/୧୦,(ଓଡ଼ିଆ ପୁଅ ପି ନାଏକ): ଆଜି ଆସିବ ବିଜେପୁର ବିଧାନସଭା ଉପନିର୍ବାଚନର ଫଳ । ଏହାକୁ ସମସ୍ତେ ଅତି ଉତ୍କଣ୍ଠାର ସହ ଅପେକ୍ଷା କରି ରହିଛନ୍ତି । ଫଳ କଣ ହେବ । ତେବେ ପଦ୍ମପୁରରେ ଥିବା ଆରଏମସି ପରିସରରେ ଆଜି ସକାଳ ୮ଟାରୁ ଭୋଟ ଗଣତି ଆରମ୍ଭ ହୋଇଛି । ୧୪ଟି କାଉଣ୍ଟିଂ ଟେବୁଲରେ ଗଣତି ହେବାକୁ ଥିବା ବେଳେ ୧୦୩ ଜଣ ଅଧିକାରୀ ଭୋଟ ଗଣତି କରିବେ । ତେବେ ପ୍ରତ୍ୟକ ଟେବୁଲ ପାଇଁ ଜଣେ ଲେଖାଏଁ ମାଇକ୍ରୋ ଅବଜର୍ଭର ରହିବେ । ସୁରକ୍ଷିତ ଗଣତି ପାଇଁ ଗଣତି କେନ୍ଦ୍ର ଓ ଏହାର ଆଖପାଖ ଅଂଚଳକୁ କଡା ସୁରକ୍ଷା ବଳୟ ମଧ୍ୟରେ ରଖାଯାଇଛି । ଆଜି ବିଜେଡି ପ୍ରାର୍ଥୀ ରୀତା ସାହୁ, ବିଜେପି ପ୍ରାର୍ଥୀ ସନତ ଗଡତିଆ, କଂଗ୍ରେସ ପ୍ରାର୍ଥୀ ଦିଲ୍ଲୀପ ପଣ୍ଡାଙ୍କ ସମେତ ୫ଜଣ ପ୍ରାର୍ଥୀଙ୍କ ଭାଗ୍ୟଫଳ ନିର୍ଣ୍ଣୟ ହେବ ।
