ଭଦ୍ରକ, ୧୬ା୬ (ଓଡ଼ିଆ ପୁଅ / ସ୍ନିଗ୍ଧା ରାୟ) – ପ୍ରସିଦ୍ଧ ଶୈବପୀଠ ଆରଡିଧାମର ବାବା ଆଖଣ୍ଡଳମଣିଙ୍କ ମନ୍ଦିରର ବରିଷ୍ଠ ସେବାୟତ କୈଳାସ ଚନ୍ଦ୍ର ପାଢୀ(୭୯)ଙ୍କର ମଙ୍ଗଳବାର ଅପରାହ୍ଣରେ ପରଲୋକ ଘଟିଛି । ଶ୍ରୀ ପାଢୀ ମଙ୍ଗଳବାର ମଣିବାବଙ୍କ ସେବାପୂଜା ସାରିବା ପରେ ହଠାତ ତାଙ୍କର ଦେହ ଅସୁସ୍ଥା ଅନୁଭବ କରିବାରୁ ତାଙ୍କ ପରିବାର ଲୋକ ଏକ ଗାଡି ଯୋଗେ ଭଦ୍ରକ ନେଉଥିବା ସମୟରେ ଅଧାବାଟରେ ମୃତ୍ୟୁ ଘଟିଥିବା ପରିବାର ଲୋକ ପ୍ରକାଶ କରିଛନ୍ତି । ଶୀ ପାଢୀଙ୍କ ମୃତ୍ୟୁକୁ ନେଇ ସାରା ଆରଡିପୀଠରେ ଶୋକର ଛାୟା ଖେଳିଯାଇଥିଲା । ଏପରି ଖବର ପାଇ ମନ୍ଦିରର ସେବାୟତ ବିଜୟ କୁମାର ଦାଶ, ଆରଡି ସରପଞ୍ଚ ଅରବିନ୍ଦ ପାଢୀ, ପୂର୍ବତନ ଯୁବନେତା ଆଶିଷ ପାଢୀ, ମନୋରଞନ ପାଢୀ, ଗିରିଷ ପାଢୀ, ପ୍ରମୋଦ ପାଢୀ, ସୁବାଷ ସାହୁ, ଦେବଦତ୍ତ ପାଢୀ, ବୃନ୍ଦାବନ ପାଢୀ, ଚନ୍ଦ୍ରକାନ୍ତ ପାଢୀ ପ୍ରମୁଖ ଶ୍ରୀ ପାଢୀଙ୍କ ବାସଭବନକୁ ଶେଷ ଦର୍ଶନ କରିବା ସହ ପୁଷ୍ପମାଲ୍ୟ ଅର୍ପଣ କରିଥିଲେ । ସୂଚନା ଅନୁଯାୟୀ ଶ୍ରୀ ପାଢୀ ଦୀର୍ଘ ୭୦ବର୍ଷ ଧରି ଦୈନଦିନ ମଣିବାବାଙ୍କର ସେବାପୂଜା କରିବା ସହିତ ସଂଧ୍ୟାରେ ଭାଗବତ ପଠନ, ଶିବାଷ୍ଟକ ଆଦି ମନ୍ଦିର ପ୍ରାଙ୍ଗଣରେ ପାଠ କରିଥାନ୍ତି । ଶ୍ରୀ ପାଢୀଙ୍କ ମୃତ୍ୟୁ ବେଳକୁ ତାଙ୍କ ୩ପୁଅ ଜିବନାନ୍ଦ, ରଞନ, ସଂଜୟ ଓ ସହଧର୍ମିଣୀ ଜ୍ଞାତିକୁଟୁମ୍ବ ଉପସ୍ଥିତ ଥିଲେ ।
