ଖୋର୍ଦ୍ଧା,୩୦/୧୦,(ଓଡ଼ିଆ ପୁଅ ପି ନାଏକ):ଆଉ ନାହାନ୍ତି ଗୋଟିପୁଅ ନୃତ୍ୟ ଗୁରୁ ବିରଵର ସାହୁ । ଗତକାଲି ତାଙ୍କର ଖୋର୍ଦ୍ଧା ଜିଲ୍ଲା ବାଲିପାଟଣା ଥାନା ଇନ୍ଦୋଳକୁଶିଆରୀ ଗ୍ରାମରେ ଦେହାନ୍ତ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୯୦ ବର୍ଷ ବୟସ ହୋଇଥିଲା । ତେବେ ବାର୍ଦ୍ଧକ୍ୟ ପାଇଁ ସେ କିଛିଦିନ ହେବ ଶଯ୍ୟାଶାୟୀ ଥିଲେ । ତେବେ ସ୍ୱର୍ଗତଃ ବିରବର ଗୋଟିପୁଅ ନୃତ୍ୟରେ ଅନେକ ପାରଦର୍ଶିତା ଲାଭ କରିପାରିଥିଲେ ଏବଂ ନିଜ ଦେଶ ଛଡ଼ା ବିଦେଶରେ ମଧ୍ୟ ସେ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଥିଲେ । ଏହାଛଡା ସେ ୧୯୯୮ରେ ଓଡିଶା ସଂଗୀତ ଏକାଡେମୀ ପୁରସ୍କାର ଏବଂ ୨୦୧୨ରେ ଗୁରୁ କେଳୁଚରଣ ମହାପାତ୍ର ସମ୍ମାନରେ ସମ୍ମାନିତ ହୋଇଥିଲେ ।
