ଭୁବନେଶ୍ୱର:କୃଷି ଏବଂ ପଞ୍ଚାୟତରାଜ୍ ମନ୍ତ୍ରୀ ପ୍ରଦୀପ ମହାରଥୀ ରବିବାର ଦିନ ମନ୍ତ୍ରୀପଦରୁ ଇସ୍ତଫା ଦେଇଛନ୍ତି।ବେବିନା ଗଣଦୁଷ୍କର୍ମ ଏବଂ ହତ୍ୟା ଘଟଣାରେ ଦୁଇ ଅଭିଯୁକ୍ତ ଭାଇ ତଳକୋର୍ଟଙ୍କ ଦ୍ୱାରା ଦୋଷମୁକ୍ତ ହେବା ପରେ ପ୍ରଦୀପ ମହାରଥୀ ବିବାଦୀୟ ମନ୍ତବ୍ୟ ଦେଇଥିଲେ।ପ୍ରଦୀପ କହିଥିଲେ ସତ୍ୟର ବିଜୟ ହେଲା।ପାଣି ପାଣି,କ୍ଷୀର କ୍ଷୀର ହୋଇଗଲା।ଛବିରାଣୀ ପରି ବେବିନା ନ୍ୟାୟ ପାଇଲେ।ପ୍ରଦୀପଙ୍କର ଏପରି ଦାୟିତ୍ୱହୀନ ମନ୍ତବ୍ୟ ପରେ ବିଭିନ୍ନ ମହଲରୁ ସମାଲୋଚନା କରାଗଲା।ଉଭୟ ବିଜେପି ମହିଳା ମୋର୍ଚ୍ଚା, ଏବଂ କଂଗ୍ରେସ ମହିଳା ବିଭାଗ ରାଜ୍ୟ ସରକାରଙ୍କୁ ଘେରିଥିଲେ।ବାରମ୍ବାର ଆନ୍ଦୋଳନ,କ୍ରାଇମ ବ୍ରାଞ୍ଚ ଅଫିସ ଘେରାଉ,ଅଣ୍ଡା ମାଡ଼ ଆଦି କଲେ।ମୁଖ୍ୟମନ୍ତ୍ରୀଙ୍କର ନୀରବତା ପାଇଁ ଆସନ୍ତା ୧୦ ତାରିଖରେ ତାଙ୍କୁ ଲାଲଚୁଡ଼ି ଭେଟି ଦେବା ପାଇଁ ବିଜେପି ମହିଳା ମୋର୍ଚ୍ଚା ଘୋଷଣା କଲା।ଲାଲଚୁଡ଼ି ସଂଗ୍ରହ ମଧ୍ୟ ଆରମ୍ଭ ହେଲା।
