ଭୁବନେଶ୍ୱର: ଯାହା ସୂଚନା ମିଳୁଛି ଖୁବ୍ ଶୀଘ୍ର ରାଜ୍ୟ ବିଜେପିର ହେବ ନବକଳେବର! ମନମୋହନ ସାମଲ ରାଜ୍ୟ ସଭାପତି ହେବା ପରେ ସେ ତାଙ୍କ ନୂତନ ଟିମ୍ ଗଠନ କରିବେ। ନବନିଯୁକ୍ତ ରାଜ୍ୟ ସଭାପତି ମନମୋହନ ସାମଲଙ୍କ ପାଇଁ ଉଦ୍ଦିଷ୍ଟ ସ୍ୱାଗତ ସମ୍ବର୍ଦ୍ଧନା ସଭାରେ ମନମୋହନ ତାଙ୍କ ସ୍ୱାଗତ ଅଭିଭାଷଣରେ ବିଦାୟୀ ସଭାପତି ସମୀର ମହାନ୍ତିଙ୍କ ସମେତ ତାଙ୍କ ଟିମକୁ ଏକ ପ୍ରକାର ବିଦାୟୀ ସମ୍ବର୍ଦ୍ଧନା ଦେଇ ଦେଇଥିଲେ। ଏବେ ଆରମ୍ଭ ହୋଇଯିବ ଆକ୍ସନ୍ ଏବଂ ଖୁବ୍ ଶୀଘ୍ର ରାଜ୍ୟ ବିଜେପିର ହେବ ନବକଳେବର। ଏଥିପାଇଁ ଆରମ୍ଭ ହୋଇଗଲାଣି ଲବି। କିଏ ସିଧାସଳଖ ମନମୋହନଙ୍କ ମନ ମୋହିବାକୁ ଚେଷ୍ଟା କରୁଛି ତ’ କିଏ ରାଜ୍ୟ ସଙ୍ଗଠନ ସମ୍ପାଦକ ମାନସ ମହାନ୍ତିଙ୍କ ଦୃଷ୍ଟି ଆକର୍ଷଣ କରିବାକୁ ଚେଷ୍ଟା କରୁଛି। ଆଉ ଦଳେ ସେହି ଚିରାଚରିତ ଢଙ୍ଗରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଶରଣ ପଶିଛନ୍ତି। ତେବେ, ରାଜ୍ୟ ବିଜେପିରେ ରହିଥିବା ଭୟଙ୍କର ଗୋଷ୍ଠୀ ବିବାଦ, ପରିବାରବାଦ, ନିର୍ଦ୍ଦିଷ୍ଟ ଏକ ଗୋଷ୍ଠୀ ହାତରେ ଥିବା ସବୁ ପଦପଦବୀ ଏବଂ କ୍ଷମତାକୁ ହଟାଇ, ଅସନ୍ତୁଷ୍ଟଙ୍କୁ ବୁଝେଇ, ମନେଇ ଖୋସାମତକାରୀ ମାନଙ୍କୁ ପ୍ରଶୟ ନଦେଇ, ନୂଆ- ପୁରୁଣା ସମସ୍ତଙ୍କୁ ସାଙ୍ଗରେ ଧରି ମନମୋହନ ଦଳକୁ ଆଗକୁ ନେବେ ବୋଲି ଆଶା କରାଯାଉଛି।
ବିକାଶ ପସନ୍ଦ, ଅଜିତାକୁ ବାସନ୍ଦ: ମୃଦଳାଙ୍କୁ ସପର୍ଟ, ଅପରାଜିତାଙ୍କୁ ଟାର୍ଗେଟ୍ ..
-/DevDrath
