ଭୁବନେଶ୍ୱର: କରୋନା ଭୂତାଣୁ ମହାମାରୀ ଆତଙ୍କ ଭିତରେ ଆଉ ଏକ ବିପର୍ଯ୍ୟୟର ସତର୍କ ସୂଚନା ଜାରି କରିଛନ୍ତି ଆମେରିକାର ବୈଜ୍ଞାନିକ। ସମଗ୍ର ବିଶ୍ୱ ଏବେ କରୋନା ଭୂତାଣୁ ଆତଙ୍କ ଯୋଗୁଁ ଅନେକ ଦେଶର ଚିନ୍ତା ବଢ଼ାଇ ଦେଇଛି। ବିଶ୍ୱର ସବୁଠାରୁ ଶକ୍ତିଶାଳୀ ରାଷ୍ଟ୍ର ଆମେରିକା ସବୁଠାରୁ ବିପଜ୍ଜନକ ପର୍ଯ୍ୟାୟର ସମ୍ମୁଖୀନ ହେଉଛି। ଆମେରିକାରେ କରୋନା ଭୂତାଣୁ ଆକ୍ରାନ୍ତରେ ୫୦ ହଜାରରୁ ଅଧିକ ଲୋକଙ୍କର ମୃତ୍ୟୁ ଘଟି ସାରିଥିବା ବେଳେ ତିନି ଦିନ ତଳେ ଆସିଥିବା ବାତ୍ୟା ଏବଂ ଘୂର୍ଣ୍ଣିବଳୟ ଏଠାରେ ବିପର୍ଯୟ ଘଟାଇଛି। ଏବେ ବୈଜ୍ଞାନିକ ମାନଙ୍କର ପୂର୍ବାନୁମାନ ଅନୁଯାୟୀ ପୁଣି ଥରେ ଆମେରିକା ଏକ ବଡ଼ ଧରଣର ପ୍ରାକୃତିକ ବିପର୍ଯ୍ୟୟର ସମ୍ମୁଖୀନ ହେବାକୁ ଯାଉଛି।
ଆମେରିକାର ବୈଜ୍ଞାନିକମାନେ ଦକ୍ଷିଣ ଆମେରିକା ଏବଂ ମଧ୍ୟ- ପଶ୍ଚିମ ଦେଶରେ ପୁନର୍ବାର ଭୟଙ୍କର ଘୂର୍ଣ୍ଣିବଳୟ ଘଟିବାର ଚେତାବନୀ ଦେଇଛନ୍ତି। ବୈଜ୍ଞାନିକମାନେ ଚେତାବନୀ ଦେଇଛନ୍ତି ଯେ ପୂର୍ବାପେକ୍ଷା ଏହା ଅଧିକ ଭୟଙ୍କର ରହିବ। ଆମେରିକାର ପାଣିପାଗ ଚ୍ୟାନେଲ୍ ଅନୁଯାୟୀ, ପାଣିପାଗ ବିଜ୍ଞାନୀମାନେ ସେମାନଙ୍କ ରିପୋର୍ଟରେ କହିଛନ୍ତି ଯେ ମଧ୍ୟ ଆମେରିକାର ଏହି ନୂତନ ପାଣିପାଗ ବ୍ୟବସ୍ଥା ମଙ୍ଗଳବାର ଠାରୁ ଏହାର ପ୍ରକୋପ ଦେଖାଇବ ଏବଂ ପରେ ମେକ୍ସିକୋ ଗଲ୍ଫରୁ ଉତ୍ତର ଦିଗକୁ ଗତି କରୁଥିବା ଆର୍ଦ୍ରତା ଟାଣିବା ଆରମ୍ଭ କରିବ। ଫଳସ୍ୱରୂପ ମଙ୍ଗଳବାର ରାତିରେ ମିସିସିପି ଉପତ୍ୟକା ଠାରୁ ଦକ୍ଷିଣ ସମତଳ ପର୍ଯ୍ୟନ୍ତ ବର୍ଷା ଏବଂ ବାତ୍ୟା ତାଣ୍ଡବ ସୃଷ୍ଟି କରିବ।
ରିପୋର୍ଟ ଅନୁଯାୟୀ, ମିସୌରୀର କିଛି ଅଂଶରୁ ଦକ୍ଷିଣ ପୂର୍ବ କାନସାସ୍, ପୂର୍ବ ଓକ୍ଲାହୋମା, ଉତ୍ତର ଏବଂ ପୂର୍ବ ଟେକ୍ସାସ୍ ଏବଂ ଉତ୍ତର ଲୁଇସିୟାନାରେ ପ୍ରବଳ ବର୍ଷା ଏବଂ ବଜ୍ରପାତ ହେବାର ଆଶଙ୍କା ରହିଛି। ଏହି ଅଞ୍ଚଳରେ ପ୍ରବଳ ପବନ, କୁଆପଥର ବୃଷ୍ଟି ଏବଂ ଘୂର୍ଣ୍ଣିବଳୟ ମଧ୍ୟ ହୋଇପାରେ। ଏହା ବ୍ୟତୀତ ଲୋପ୍ରେସର ଘଟି ବୁଧବାର ଦିନ ପୂର୍ବ ଦିଗକୁ ଗତି କରିବା ଆରମ୍ଭ କରିବ। ଏହି ଅବଧି ମଧ୍ୟରେ ମଧ୍ୟ- ପଶ୍ଚିମର କେତେକ ସ୍ଥାନରେ ପ୍ରବଳ ବର୍ଷା ଜାରି ରହିବ। ଦକ୍ଷିଣ ଆମେରିକାର ଅନେକ ଅଞ୍ଚଳରେ ବର୍ଷା ଏବଂ ବଜ୍ରପାତର ମଧ୍ୟ ଆଶଙ୍କା ରହିଛି। ଆମେରିକାର ପାଣିପାଗ ବୈଜ୍ଞାନିକମାନେ କହିଛନ୍ତି ଯେ ଦକ୍ଷିଣର କିଛି ଅଞ୍ଚଳରେ ବୁଧବାର ଦିନ ବର୍ଷା ଏବଂ ବଜ୍ରପାତ ଘଟିପାରେ। କିନ୍ତୁ ଏହାର ତୀବ୍ରତା ବିଷୟରେ କିଛି କୁହାଯାଇପାରିବ ନାହିଁ। ଏହା ସହିତ ଦକ୍ଷିଣ ପୂର୍ବର କିଛି ଅଂଶରେ ମୁଖ୍ୟତ ଫ୍ଲୋରିଡା ଏବଂ ଉପକୂଳରେ ବର୍ଷା ବ୍ୟତୀତ ବଜ୍ରପାତ ହୋଇପାରେ। ପାଣିପାଗ ବ୍ୟବସ୍ଥାରେ ପ୍ରଚୁର ଆର୍ଦ୍ରତା ରହିବ, ଯେଉଁଥିପାଇଁ ମଙ୍ଗଳବାର ଠାରୁ ଗୁରୁବାର ପର୍ଯ୍ୟନ୍ତ ମିସିସିପି ଉପତ୍ୟକା ଏବଂ ମଧ୍ୟପଶ୍ଚିମ ଅଞ୍ଚଳରେ ପ୍ରବଳ ବର୍ଷା ହେବ। ମିସିସିପି ନଦୀ ସମେତ ଅନ୍ୟ କେତେକ ନଦୀର ଜଳସ୍ତର ବୃଦ୍ଧି ପାଇବ। ଫଳରେ ଆମେରିକାର ଅନେକ ଅଞ୍ଚଳରେ ବନ୍ୟା ପରିସ୍ଥିତି ହେବାର ଆଶଙ୍କା ରହିଛି। -ଦେବଦତ୍ତ ରଥ
ଦୁନିଆର ସବୁଠାରୁ ବଡ଼ ପରିବାର; ୩୯ ପତ୍ନୀ, ୯୪ ସନ୍ତାନ; ମୋଟ ୧୮୧ ସଦସ୍ୟ: ପ୍ରଭାବ ପକାଇ ପାରିନି କରୋନା
