ଭୁବନେଶ୍ୱର: ଭଦ୍ରକ ଜିଲ୍ଲାର ଓଡ଼ିଶା ତେଜସ୍ୱିନୀ ମହିଳା ସଙ୍ଗଠନ ତରଫରୁ ଅସହାୟ ତଥା ନିରାଶ୍ରୟ ମହିଳାମାନଙ୍କୁ ସହାୟତାର ହାତ ବଢ଼ାଇ ବସ୍ତ୍ର ବଣ୍ଟନ କାର୍ଯ୍ୟକ୍ରମ କରାଯାଇଛି। ସଙ୍ଗଠନର ଅଧ୍ୟକ୍ଷା କଳ୍ପନା ଜେନା, ଉପାଧ୍ୟକ୍ଷା ଚୈତାଳି ଖିଲାର, ମନୋରମା ରାୟ, ଉପଦେଷ୍ଟା ଜାନକୀ ପାଢ଼ୀ, ଦୀପାଳି ମିଶ୍ର, ସମ୍ପାଦିକା ଅଞ୍ଜନା ମିଶ୍ର, ସହ ସମ୍ପାଦିକା ସଂଯୁକ୍ତା ମହାନ୍ତି, ଟି ଭି ରାଜଲକ୍ଷ୍ମୀଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଦୋଳସାହି, ପାଳିଆ, ଅଲ୍ଲିନଗର, ତିହିଡ଼ି, ତାଳପଦା ଆଦି ଅଞ୍ଚଳରେ ଶାଢ଼ୀ ବଣ୍ଟନ କାର୍ଯ୍ୟକ୍ରମ କରାଯାଇଛି। କରୋନା ଆତଙ୍କ ଏବଂ ଲକ୍ ଡାଉନ୍ ଘୋଷଣା ଭିତରେ ଲୋକେ ଆର୍ଥିକ ସଙ୍କଟ ଦେଇ ଗତି କରୁଥିବା ବେଳେ “ତେଜସ୍ୱିନୀ” ପକ୍ଷରୁ ଏପରି କାର୍ଯ୍ୟକ୍ରମ ଆୟୋଜନ କରାଯାଇଛି।
