ଭୁବନେଶ୍ୱର: କେରଳରେ ଏକ ଗର୍ଭବତୀ ହାତୀର ନିର୍ଦ୍ଦୟ ହତ୍ୟା ଘଟଣାରେ ସମଗ୍ର ଦେଶ ଚକିତ ହୋଇଯାଇଛି। ବିଭିନ୍ନ ସ୍ତରରୁ ହାତୀ ହତ୍ୟାକୁ ନେଇ ଶୋକ ପ୍ରକଟ ସଙ୍ଗେ ତୀବ୍ର ପ୍ରତିକ୍ରିୟା ପ୍ରକାଶ ପାଉଛି। ଅପରାଧୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଦାବି ହେଉଛି।
ମାନେକା ଗାନ୍ଧୀ –
ପଶୁ ଅଧିକାର ଉପରେ କାମ କରିବା ପାଇଁ ପ୍ରସିଦ୍ଧ ବିଜେପି ସାଂସଦ ମନେକା ଗାନ୍ଧୀ ଏକ ସମ୍ବେଦନଶୀଳ ଦାବି କରିଛନ୍ତି। ସେ କହିଛନ୍ତି ଯେ କେରଳରେ ପ୍ରତି ତୃତୀୟ ଦିନରେ ଗୋଟିଏ ହାତୀକୁ ହତ୍ୟା କରାଯାଏ। ସେ କହିଛନ୍ତି ଯେ କେବଳ ପଶୁ ନିଷ୍ଠୁରତା ପାଇଁ ନୁହେଁ, ମଣିଷ ମାନଙ୍କ ଉପରେ ମଧ୍ୟ ବର୍ବରତା ଘଟଣା ନେଇ କେରଳର ବିଶେଷ କରି ମାଲ୍ଲାପୁରମ୍ ଜିଲ୍ଲା ପୁରା ଦେଶରେ କୁଖ୍ୟାତ। ରାହୁଲ ଗାନ୍ଧୀ ସେଠାକାର ସାଂସଦ। ସେ କାହିଁକି କୌଣସି କାର୍ଯ୍ୟାନୁଷ୍ଠାନ ଗ୍ରହଣ କଲେ ନାହିଁ ବୋଲି ମାନେକା ଗାନ୍ଧୀ ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀଙ୍କ ନିରବତା ଉପରେ ପ୍ରଶ୍ନ ଉଠାଇଛନ୍ତି।
ରତନ ଟାଟା –
ବିରୁଷ୍କା (ବିରାଟ କୋହଲି ଏବଂ ଅନୁଷ୍କା) –
ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ –
ଦୁଃଖଦ ମୃତ୍ୟୁ: ନିର୍ଦ୍ଦୟତାକୁ ନେଇ ଆହୁରି ଅନେକ ପ୍ରତିକ୍ରିୟା –
ଦେଶରେ ବିଭିନ୍ନ ବର୍ଗର ଲୋକ ଏହି ଘଟଣାକୁ ନେଇ ଦୁଃଖ ଏବଂ କ୍ରୋଧ ପ୍ରକାଶ କରୁଛନ୍ତି। ଅଭିନେତା ରଣଦୀପ ହୁଡ୍ଡା, ବରୁଣ ଧୱନ, ଟାଇଗର ସ୍ରଫ୍, ଅଭିନେତ୍ରୀ ଦିଶା ପଟାଣୀ, ଆଲ୍ଲିଆ ଭଟ୍ଟ, ଆଦି ଅନେକ ସେଲିବ୍ରେଟି ଏହି ଘଟଣାକୁ ନେଇ ତୀବ୍ର ପ୍ରତିକ୍ରିୟା ଏବଂ ଦୃଢ଼ କାର୍ଯ୍ୟାନୁଷ୍ଠାନ ଦାବୀ କରିଛନ୍ତି। ଉଲ୍ଲେଖନୀୟ କଥା ହେଉଛି, କେରଳର ମଲାଲାପୁରମରେ କିଛି ଲୋକ ଏକ ଗର୍ଭବତୀ ହାତୀକୁ ସପୁରୀ ଭିତରେ ଫାୟାର କ୍ରାକର୍ (ବାଟୁଳି, ଛୋଟ ବାରୁଦ ବୋମା) ଭର୍ତ୍ତି କରି ଖାଇବାକୁ ଦେଇଥିଲେ। ହାତୀଟି ତାହା ଖାଉଥିବା ବେଳେ ପାଟିରେ ତାହା ଫାଟି ଯାଇଥିଲା। ହାତୀଟି ଗୁରୁତର ଆହତ ହୋଇଥିଲା। ଏହାପରେ ସେ ଦୌଡ଼ିଯାଇ ଏକ ନଦୀରେ ଠିଆ ହୋଇ ମୁହଁକୁ ପାଣି ଭିତରେ ବୁଡ଼ାଇ ରଖିଲା। କିନ୍ତୁ ସେ ନିଜକୁ ବଞ୍ଚାଇ ପାରିଲା ନାହିଁ ଏବଂ ନଦୀ ଭିତରେ ପେଟ ଭିତରେ ଥିବା ଶାବକ ହାତୀ ସହ ତାର ମୃତ୍ୟୁ ଘଟିଲା। /-ଦେବଦତ୍ତ ରଥ