ନନ୍ଦନକାନନକୁ ଆସିଲା ଆନାକୋଣ୍ଡା

ଭୁବନେଶ୍ୱର: ନନ୍ଦନକାନନକୁ ଆସିଲା ନୂଆ ଅତିଥି ଆନାକୋଣ୍ଡା।ମାଡ୍ରାସ କ୍ରୋକୋଡାଇଲ ବ୍ୟାଙ୍କରୁ ନନ୍ଦନକାନନ ଆସିଛି ୮ଟି ହଳଦିଆ ଆନାକୋଣ୍ଡା।ଏଥିରେ ୪ଟି ଅଣ୍ଡିରା ଥିବା ବେଳେ ୪ଟି ମାଇ ଅଛନ୍ତି। ଏହାସହ ୩ଟି ନାଇଲ୍‌ କୁମ୍ଭୀର ମଧ୍ୟ ନନ୍ଦନକାନନ ଅଣାଯାଇଛି।ନୂଆ ଅତିଥି ମାନଙ୍କୁ ସ୍ୱତନ୍ତ୍ର ପରିବେଶ ମଧ୍ୟରେ ଏବେ ଭିନ୍ନ ସ୍ଥାନରେ ରଖାଯାଇଛି।ଖୁବ ଶୀଘ୍ର ଏମାନଙ୍କୁ ସର୍ବ ସାଧାରଣଙ୍କ ଦେଖିବା ବ୍ୟବସ୍ଥା କରାଯିବ।ଏହି ନୂଆ ଅତିଥିଙ୍କୁ ମିଶାଇ ନନ୍ଦନକାନନରେ ଏବେ ୧୫୮ ପ୍ରଜାତିର ଜୀବଜନ୍ତୁ ହୋଇ ଯାଇଛନ୍ତି।କିଛି ଦିନ ତଳେ ନନ୍ଦନକାନନକୁ ୪ଟି କ୍ୟାପ୍‌ଚୁନ୍‌ ଏବଂ ଛୋଟ ଗୁଣ୍ଡୁଚି ମାଙ୍କଡ ଅଣାଯାଇଥିଲା। ଚେନ୍ନାଇର ଏକ ଘରୋଇ ସଂସ୍ଥାଠାରୁ ଏହି ମାଙ୍କଡ଼ ଅଣାଯାଇଥିଲା।//ଦେବଦତ୍ତ ରଥ