ନୂଆ ଦିଲ୍ଲୀ ୪-୬ (ଓଡ଼ିଆ ପୁଅ) ଭାରତରେ ଗୁରୁବାର ଦିନ ଗତ ୨୪ ଘଣ୍ଟା ମଧ୍ୟରେ କରୋନାଭାଇରସ୍ ସଂକ୍ରମଣର ୯,୩୦୪ ନୂତନ ମାମଲା ରେକର୍ଡ ହୋଇଛି। ଯାହା ଫଳରେ ମୋଟ ସଂଖ୍ୟା ୨,୧୬,୯୧୯ ରେ ପହଞ୍ଚିଛି।
କେନ୍ଦ୍ର ସ୍ଲାସ୍ଥ୍ୟ ମନ୍ତ୍ରଣାଳୟ ୱେବସାଇଟରେ ପୋଷ୍ଟ କରାଯାଇଥିବା ଅପଡେଟ୍ ଅନୁଯାୟୀ ଦେଶରେ ସକ୍ରିୟ ମାମଲା ସଂଖ୍ୟା ୧,୦୬,୭୩୭, ଏବଂ ୧,୦୪,୧୦୬ ଆରୋଗ୍ୟ ହୋଇଛନ୍ତି।
କୋଭିଡ -୧୯ ଯୋଗୁଁ ମୃତ୍ୟୁ ସଂଖ୍ୟା ୬,୦୭୫ ରହିଛି। ଗତ ୨୪ ଘଣ୍ଟା ମଧ୍ୟରେ ଦେଶରେ ୨୬୦ ମୃତ୍ୟୁ ଘଟିଛି।
ମହାରାଷ୍ଟ୍ର, ତାମିଲନାଡୁ, ଗୁଜୁରାଟ ଏବଂ ଦିଲ୍ଲୀରେ ଅତ୍ୟଧିକ ସଂକ୍ରମଣ କାରଣରୁ ପରିସ୍ଥିତି ଖରାପ ହେଉଛି। ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳଗୁଡିକରେ ମଧ୍ୟ କରୋନା ସଂକ୍ରମଣ ବୃଦ୍ଧି ପାଉଛି। ବିହାର, ପଶ୍ଚିମବଙ୍ଗ, ଓଡିଶା, ଆସାମ, ନାଗାଲାଣ୍ଡ ସମେତ ଅନେକ ପୂର୍ବ ଏବଂ ଉତ୍ତର-ପୂର୍ବ ରାଜ୍ୟ ମିଜୋରାମ ଏବଂ ସିକ୍କିମ୍ ରେ ନୂଆ ମାମଲା ରେକର୍ଡ ହେଉଛି।
ଆମେରିକା, ବ୍ରାଜିଲ, ଋଷ, ବ୍ରିଟେନ, ସ୍ପେନ୍ ଏବଂ ଇଟାଲୀ ପରେ କୋଭିଡ -୧୯ ମହାମାରୀରେ ସଂକ୍ରମିତ ଦେଶଗୁଡ଼ିକ ମଧ୍ୟରେ ଭାରତ ସପ୍ତମ କ୍ଷତିଗ୍ରସ୍ତ ଦେଶ। ମଙ୍ଗଳବାର ରାତିରେ ଭାରତ ଦୁଇ ଲକ୍ଷ ମାର୍କ ଅତିକ୍ରମ କରିଛି। ୧୫ ଦିନ ମଧ୍ୟରେ ପ୍ରାୟ ୧ ଲକ୍ଷ ନୂଆ ମାମଲା ସାମ୍ନାକୁ ଆସିଛି। ଜାନୁଆରୀ ୩୦ ରେ ଭାରତରେ ପ୍ରଥମ Covid-୧୯ ମାମଲା ଚିହ୍ନଟ ହୋଇଥିଲା।
ଜାତୀୟ ରାଜଧାନୀ ଦିଲ୍ଲୀରେ ବୁଧବାର ଦିନ ୧,୫୦୦ ରୁ ଅଧିକ ନୂତନ କରୋନାଭାଇରସ୍ ଆକ୍ରାନ୍ତ ଚିହ୍ନଟ ହୋଇଛନ୍ତି। ଯାହା ଗୋଟିଏ ଦିନରେ ବହୁତ ଅଧିତ। ଗତ ୨୪ ଘଣ୍ଟା ମଧ୍ୟରେ ୧,୫୧୩ ନୂତନ ଆକ୍ରାନ୍ତଙ୍କୁ ମିଶାଇ ଦିଲ୍ଲୀର ମୋଟ ମାମଲା ୨୩,୬୪୫ ଅଟେ।