ନୂଆଦିଲ୍ଲୀ, ୨୪/୭, (ଓଡ଼ିଆ ପୁଅ/ପଙ୍କଜିନୀ ନାୟକ) : ମୋଦି ସରକାର ଇନକମ ଟ୍ୟାକ୍ସ ରିଟଣ୍ଣ ଫାଇଲ କରିବା ପାଇଁ ଆଉ ଗୋଟିଏ ମାସ ବଢାଇ ଦେଇଛନ୍ତି। ପୂର୍ବରୁ ଏହା ୩୧ ଜୁଲାଇ ଥିଲା। ଯାହାକୁ ଏବେ ୩୧ ଅଗଷ୍ଟ ୨୦୧୯ କରାଯାଇଛି।
ହେଲେ ଯଦି ଆପଣ ଭାବୁଛନ୍ତି ଯେ, ଆଉ ଅଧିକ ଗୋଟିଏ ମାସ ସମୟ ମିଳିଛି, ଆରାମରେ ରିଟର୍ଣ୍ଣ ଫାଇଲ କରିବେ; ତେବେ ଏହି ଭାବନା ମନରୁ ହଟାଇ ଦିଅନ୍ତୁ।
ଯଦି ଆପଣ ୩୧ ଅଗଷ୍ଟ ଭିତରେ ରିଟର୍ଣ୍ଣ ଫାଇଲ କରି ଦିଅନ୍ତି, ତାହେଲେ ଆପଣ ୫ ହଜାର ଜରିମାନା ଦେବାରୁ ଵଞ୍ଚିପାରିଵେ।
ଅନ୍ୟପଟେ ଯଦି ଆପଣ ୩୧ ଅଗଷ୍ଟ ପରେ ଆଇଟିଆର ଫାଇଲ କରୁଛନ୍ତି, ତେବେ ଆପଣଙ୍କୁ ୫ ହଜାର ଜରିମାନା ଦେବାକୁ ପଡ଼ିପାରେ।
ଆଉ ୧ ଜାନୁଆରୀ ରୁ ୩୧ ମାର୍ଚ୍ଚ ଭିତରେ କଲେ, ୧୦ ହଜାର ଜରିମାନା ଦେଇପାରନ୍ତି। ସେଥିପାଇଁ ଯଥା ସମ୍ଭବ ଏହା କରି ଦିଅନ୍ତୁ।