ଭୁବନେଶ୍ୱର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୭୧ ତମ ଜନ୍ମଦିନ ଉପଲକ୍ଷେ କେନ୍ଦ୍ରୀୟ ନିର୍ଦ୍ଦେଶ ଅନୁସାରେ ଭାରତୀୟ ଜନତା ପାର୍ଟି ରାଜ୍ୟ ମହିଳା ମୋର୍ଚ୍ଚା ସେବା ଓ ସମର୍ପଣ ଦିବସ ପାଳନ କରିଛି। ଏହି ଉପଲକ୍ଷେ ମହିଳା ମୋର୍ଚ୍ଚା ସଭାନେତ୍ରୀ ସ୍ମୃତି ପଟ୍ଟନାୟକଙ୍କ ତତ୍ୱଧାନ ଓ କଟକ ନଗର ଜିଲ୍ଲା ସଭାନେତ୍ରୀ ପ୍ରବିଣା ମହାପାତ୍ରଙ୍କ ସହଯୋଗରେ କଟକ ଚଣ୍ଡୀ ମନ୍ଦିରରେ ୭୧ଟି ଦୀପ ଦାନ ହୋଇଥିଲା। ସେବା ଓ ସମର୍ପଣ ଅଭିଯାନ ଅନୁଯାୟୀ ମହିଳା ମୋର୍ଚ୍ଚା କଟକ ମୁଣ୍ଡୁଳି ସ୍ଥିତ ସମ୍ପତରାୟ ରୋଟାରୀ ସିନିୟର୍ ସିଟିଜନ ହୋମ ବୃଦ୍ଧାଶ୍ରମକୁ ଯାଇ ସେଠି ଥିବା ବାସିନ୍ଦାଙ୍କୁ ଫଳ ଓ ଖାଦ୍ୟ ବଣ୍ଟନ କରିଥିଲା। ଲଭ ଚାରିଟି ହୋମ ଅନାଥଶ୍ରମରେ ବାଳକ ଓ ବାଳିକାଙ୍କ ସହିତ ମିଶି ମୋଦିଜୀଙ୍କ ଜନ୍ମଦିନ କେକ୍ କାଟିବା ସହିତ ପିଲାଙ୍କୁ ଫଳ ମଧ୍ୟ ବଣ୍ଟନ କରାଯାଇଥିଲା। ତତ୍ ସହିତ କିଛି ସଫେଇ କର୍ମଚାରୀଙ୍କୁ ମାସ୍କ ଓ ଖାଦ୍ୟ ମଧ୍ୟ ବଣ୍ଟନ କରାଯାଇଥିଲା।
-@Dr
