ଭୁବନେଶ୍ବର ୧୭-୮ (ଓଡ଼ିଆ ପୁଅ) : ଜଙ୍ଗଲ ଓ ପରିବେଶ ମନ୍ତ୍ରୀ ବିକ୍ରମ କେଶରୀ ଆରୁଖଙ୍କ ଅଧ୍ୟକ୍ଷତାରେ ଅନୁଷ୍ଠିତ ଆର୍ଦ୍ରଭୂମି ପ୍ରାଧିକରଣ ବୈଠକରେ ଉଭୟ ଚିଲିକା ଓ ଅଂଶୁପା ହ୍ରଦର ବିକାଶ ପାଇଁ ୫ ବର୍ଷିଆ କାର୍ଯ୍ୟଖସଡ଼ାକୁ ଅନୁମୋଦନ ମିଳିଛି।
ତେବେ ଚିଲିକାର ସମନ୍ବିତ ପରିଚାଳନା ପାଇଁ ୧୫୮ କୋଟି ଟଙ୍କାର ବ୍ୟୟ ଅଟକଳ ରଖିଥିବା ବେଳେ ଅଂଶୁପାର ସାମଗ୍ରିକ ବିକାଶ ପାଇଁ ୨୧ କୋଟି ୨୩ ଲକ୍ଷ ଟଙ୍କାର ଯୋଜନା କରାଯାଇଛି ବୋଲି ସୂଚନା ମିଳିଛି। ଏହାଫଳରେ ଚିଲିକାର ଚାରି ପାର୍ଶ୍ବରେ ଥିବା ୧୫୧ଟି ଗ୍ରାମର ପ୍ରାୟ ୨ ଲକ୍ଷ ମତ୍ସ୍ୟଜୀବୀମାନଙ୍କ ଜୀବିକା ଉପରେ ସୁପ୍ରଭାବ ପଡ଼ିବ।
ଏହି ଯୋଜନାରେ ଆର୍ଦ୍ରଭୂମି ଗୁଡ଼ିକର ଚିହ୍ନଟ ଓ ପୁନରୁଦ୍ଧାର ସହିତ ସଂରକ୍ଷଣ, ପରିଚାଳନା ଓ ଜୈବ ବିବିଧତାର ସୁରକ୍ଷା ହେବ ମୂଳ ଲକ୍ଷ।
ସେହିପରି ଅଂଶୁପା ଉପରେ ନିର୍ଭର କରୁଥିବା ୨ଟି ଗ୍ରାମର ୨୫୦ ଜଣ ମତ୍ସ୍ୟଜୀବୀ ଉପକୃତ ହେବେ।
Rs. 179 Crore Plan for Chilika and Ansupa’s Development
To protect the ecology of wetland & to provide livelihood to 2 lakh people, State Wetlands Authority headed by Hon'ble Minister @ForestDeptt chalked out a plan of Rs 179.23 crore for the development of Chilika & Ansupa. pic.twitter.com/rGGShxf5ys
— I & PR Department, Odisha (@IPR_Odisha) August 17, 2019
