୬୧ ବର୍ଷ ପରେ ତୁଟିଲା ବିବାଦ, ଖୋଲା ହେଲା  ପ୍ରାଥମିକ ବିଦ୍ୟାଳୟ

ଯାଜପୁର୧୦ା୧୧(ଓଡିଆ ପୁଅ/ବିରଞ୍ଚିନାରାୟଣ ପତ୍ରୀ) କୋରାଇ ବ୍ଲକ୍ ଅନ୍ତର୍ଗତ ସାଦକପୁର ଗ୍ରାମରେ ମନ୍ସୁରିଆ ମକ୍ତବ ପ୍ରାଥମିକ ବିଦ୍ୟାଳୟକୁ ନେଇ ଚାଲିଥିବା ୬୧ ବର୍ଷର ବିବାଦ ସମାଧାନ ହୋଇଥିବା ସୁଚନା ମିଳିଛି । ସ୍କୁଲର ଜାଗା ଓ ବିଦ୍ୟାଳୟ ଗୃହକୁ ନେଇ ସ୍କୁଲ କର୍ତୁପକ୍ଷ ଓ ଜାଗା ମାଲିକ ମାନ୍ୟବର ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ ମଧ୍ୟ ଶେଷର ତାହା ଆପୋଷ ବୁଝାମଣାରେ ସମାଧାନ ହୋଇଛି । କୋରାଇ ବ୍ଲକ୍ ଶିକ୍ଷା ମଣ୍ଡଳ ଅଧିକାରୀ ସୁଶାନ୍ତ କୁମାର ଶତପଥୀ, କୋରାଇ ଥାନାଧିକାରୀ ରଂଜିତ କୁମାର ମହାନ୍ତିଙ୍କ ଉଦ୍ୟମରେ ଉଭୟ ପକ୍ଷ ଉପସ୍ଥିତ ରହି ବହୁଦିନର ବିବାଦକୁ ସମାଧାନ କରିଥିବାରୁ ଏନେଇ ଅଂଚଳରେ ଖୁସିର ଲହରୀ ଖେଳିଯାଇଛି । ୧୯୫୮ ମସିହାରେ ସାଦକପୁର ଗ୍ରାମରେ ଥିବା ବହୁ ସଂଖ୍ୟାଲଘୁ ସମ୍ପ୍ରଦାୟର ପିଲାଙ୍କ ପାଇଁ ନିର୍ମିତ ହୋଇଥିଲା ମନ୍ସୁରିଆ ମକ୍ତୁବ୍ ପ୍ରାଥମିକ ବିଦ୍ୟାଳୟ । ହେଲେ ଆରମ୍ଭ ଦିନରୁ ହିଁ ବିଦ୍ୟାଳୟ ନିର୍ମର୍ିତ ଜାଗାଟି ଗ୍ରାମର ଜୈନୁଲ ଆବେବନ ଖାଁଙ୍କର ନିଜସ୍ୱ ବ୍ୟକ୍ତିଗତ ବୋଲି ଦାବି କରିଥିଲେ । ପରେ ୨୦୦୬ ମସିହାରେ ତତ୍କାଳିନ କୋରେଇ ବିଧାୟିକା ସଂଚିତା ମହାନ୍ତିଙ୍କ ହାତପାଣ୍ଠିରୁ ବିଦ୍ୟାଳୟକୁ ୩ ଲକ୍ଷ ଟଙ୍କାର ଅନୁଦାନ ମିଳିଥିଲା । ଏହି ଅର୍ଥରେ ୨୦୦୭ ମସିହାରେ ବିଦ୍ୟାଳୟରେ ଏକ ପକ୍କାଘର ନିର୍ମାଣ ହେବା ପରେ ଉପୁଜିଥିଲା ବିବାଦ । ଆବେବୁଲ ବିଦ୍ୟାଳୟ ଆରମ୍ଭ କରିବାକୁ ବିରୋଧ କରିଥିଲେ । ଏପରକି ଏନେଇ ସ୍କୁଲ କର୍ତର୍ୁପକ୍ଷ ପ୍ରଶାସନ ନିକଟରେ ଗୁହାରୀ କରିବା ପରେ ବ୍ୟାସନଗର ତହସିଲଦାର କୋରାଇ ପୁଲିସ୍ ସହାୟତାରେ ଘର ଭାଙ୍ଗିବା ପାଇଁ ଯାଇଥିଲେ ମଧ୍ୟ ଆବେବୁଲ ଏହାକୁ ବିରୋଧ କରିଥିଲେ । ବ୍ୟକ୍ତିଗତ ଜାଗାରେ ସରକାରୀ ଗୃହ ନିର୍ମାଣର ପ୍ରତିବାଦ କରିଥିଲେ । ପରେ ସ୍କୁଲ କର୍ତୁପକ୍ଷଙ୍କ ସମେତ ଯାଜପୁର ଜିଲ୍ଲାପାଳ, ଉପ ଜିଲ୍ଲାପାଳ, ବ୍ୟାସନଗର ତହସିଲଦାରଙ୍କୁ ପକ୍ଷଭୂକ୍ତ କରି ମାନ୍ୟବର ଉଚ୍ଚ ନ୍ୟାୟାଳୟରେ ଆବେବୁଲ କେସ ଦାୟର କରିଥିଲେ । ଫଳରେ ସ୍କୁଲ ଘର ସମ୍ପୁର୍ଣ୍ଣ ହୋଇଥିଲେ ମଧ୍ୟ ଉକ୍ତ ଘରକୁ ବ୍ୟବହାର ନକରିବା ପାଇଁ କୋର୍ଟ ଆଦେଶ ଦେଇଥିଲେ । ପିଲାମାନେ ଭଙ୍ଗାଘରେ ପାଠ ପଢିବାକୁ ବାଧ୍ୟ ହେଉଥିବାରୁ ଏନେଇ ସ୍କୁଲ କର୍ତୁପକ୍ଷ ବାରମ୍ବାର ପ୍ରଶାସନିକ ଅଧିକାରୀ ମାନଙ୍କ ପାଖକୁ ଦୌଡ଼ିଦୌଡ଼ି ଶେଷରେ ପୁଣି କୋର୍ଟର ଆଶ୍ରୟ ନେଇଥିଲେ । ଉଭୟ ପକ୍ଷଙ୍କ ଆବେଦନ ପରେ ଅନୁସନ୍ଧାନ କରି ୨୦୧୫ ମସିହା ମାର୍ଚ୍ଚ ମାସରେ ପୁନର୍ବାର ମାନ୍ୟବର କୋର୍ଟ ଗୃହଟିକୁ ସ୍କୁଲ କର୍ତପକ୍ଷଙ୍କୁ ହସ୍ତାନ୍ତର କରି ତାଲା ଖୋଲିବା ପାଇଁ ନିଦେ୍ର୍ଦଶ ଦେଇଥିଲେ । ମାତ୍ର ଏହା ମଧ୍ୟରେ ୪ ବର୍ଷରୁ ଅଧିକ ସମୟ ବିତିଯାଇଥିଲେ ମଧ୍ୟ ପ୍ରଶାସନ ତାଲା ଖୋଲିବାରେ ବି‘ଳ ହୋଇଥିଲା । ଗତକାଲି ଆବେବନଙ୍କ ସମେତ ସ୍ଥାନୀୟ ମସ୍ଜିଦ୍ର ମୌଲାନା ମହମ୍ମଦ ହବିବୁଲ୍ଲା, ସ୍ଥାନୀୟ ମୁରବି ଅବଦୁଲ ହାକିମ ଖାନ, ଇବ୍ରାହିମ ଖାନ, କୁରବାନ ହଜାରୀ, ସକାବତ୍ ଖାନ ପ୍ରମୁଖ ଯୋଗ ଦେଇଥିବା ବେଳେ ବିଇଓ ଶ୍ରୀ ଶତପଥୀ ଓ ଥାନାଧିକାରୀ ଶ୍ରୀ ମହାନ୍ତି ଉପସ୍ଥିତ ଥିଲେ । ଛାତ୍ରଛାତ୍ରୀଙ୍କ ଭବିଷ୍ୟତକୁ ଦୃଷ୍ଟିରେ ରଖି ଅବିବୁଲ ଗୃହ ନିର୍ମିତ ଜାଗାଟିକୁ ବିଦ୍ୟାଳୟ ହସ୍ତାନ୍ତର କରିବା ପାଇଁ ରାଜି ହୋଇଥିବାରୁ ବିଦ୍ୟାଳୟ ପରିଚାଳନା କମିଟି ଓ ଅଭିଭାବକଙ୍କ ପକ୍ଷରୁ ଧନ୍ୟବାଦ ଦିଆଯାଇଥିଲା । ବୈଠକରେ ଅନ୍ୟମାନଙ୍କ ମଧ୍ୟରେ ବିଦ୍ୟାଳୟ ପରିଚାଳନା କମିଟି ଚେୟାରମ୍ୟାନ ସେକ୍ ସିରାଜୁଦ୍ଦିନ, ସେକ୍ ହା‘ିଜୁଦ୍ଦିନ, ସେକ୍ କୁତୁବୁଦ୍ଦିନ, ସମ୍ସଦ ଖାନ, କାଲୁ ଖାନ, ସେକ୍ ସଲାଉଦ୍ଦିନ, ଜସିର ଖାନ, ସେକ୍ ଫେଜୁଦ୍ଦିନ, ସନ୍ତୋଷ ରାମ, ସଂଜୟ ସିଂହ ପ୍ରମୁଖ ଉପସ୍ଥିତ ଥିଲୋ